Aqparat jáne qoǵamdyq damý mınıstrligi belgili jýrnalıst Beısen Quranbek atyndaǵy «Jiger» syılyǵyna baıqaý jarııalady.
Baıqaýdyń maqsaty - medıa salasyndaǵy jastar shyǵarmashylyǵyn qoldaý jáne kórnekti jýrnalıst Beısen Quranbektiń jarqyn beınesin este qaldyrý.
Syılyq 4 atalym boıynsha taǵaıyndalǵan:
- Áleýmetik taqyrypqa arnalǵan úzdik TV sıýjet
- Áleýmettik taqyrypqa arnalǵan úzdik maqala
- Áleýmettik taqyrypqa arnalǵan úzdik materıal (áleýmettik jeli)
- Áleýmettik taqyrypqa arnalǵan úzdik foto
Baıqaýǵa 18-35 jas aralyǵyndaǵy televızııa, baspasóz, ınternet-resýrstar boıynsha kásibı jáne kásibı emes jýrnalıster qatysa alady. Sonymen qatar fotograftar, blogerler de baǵyn synaı alady.
Jeńimpazdardy arnaıy qazylar alqasy anyqtaıtyn bolady. Qazylar quramyna elimizdiń medıa qaıratkerleri kiredi.
Baıqaýǵa ótinishter 26 mamyr men 15 maýsym aralyǵynda mdq.kz saıty arqyly qabyldanady. Tolyq aqparatty «Medıa damytý qory» korporatıvtik qorynyń resmı saıtynan (mdq.kz) ala alasyz.
Jeńimpazdardy marapattaý 28-maýsym kúni jýrnalıster kúni qarsańynda ótedi.