2006 jyldan beri uıymdastyrylyp kele jatqan America’s Got Talent shoýyna qazaqstandyq jas ánshi Danelııa Týleshova qatysyp kanadalyq ánshi Faouzianyń «Tears of Gold» ánin shyrqady.
Ózin tanystyrý barysynda «Men án salǵanda ózimdi shynaıy erkin sezinemin. Amerıkalyq pop juldyz Beıonse sekildi bolǵym keledi, alaıda ol úshin kóp jumys isteýim keregin jaqsy túsinemin. America’s Got Talent-ke qatysý meniń úlken armanym edi. Ómirimdi ánsiz elestete almaımyn» dedi jas talant.
Danelııanyń talantyna tánti bolǵan qazylar men kórermender qazaqstandyq juldyzǵa oryndarynan turyp qol soqty. America’s Got Talent ádil qazylar alqasynyń quramyn jobanyń negizin salýshy ári prodıýseri Saımon Koýell, aktrısa Sofııa Vergara, Haıdı Klým jáne ázilkesh Hoýı Mendel quraıdy. Jobanyń 15-maýsymy 2020 jyldyń 26 mamyrynda bastaldy.
Danelııa Týleshova buǵan deıin aýqymdy ýkraındyq «Golos. Ditı» jáne amerıkalyq «World’s best» shoýyna qatysyp, top jarǵan bolatyn.