«Bethoven.Mute» mýzykalyq-teatrlyq qoıylymnyń negizinde «Bethoven-Brams-Shenberg-Lahenman-Keıdj» sabaqtastyq jelisin quratyn bes kompozıtordyń bes kompozıııasy kiredi. Ár túrli ǵasyrlardaǵy mýzykalardy oryndaý elektro-akýstıkalyq ıntermedııalarmen úılesim tabady (kompozıtor - Sanjar Báıterekov) jáne teatrlandyrylǵan qoıylymmen súıemeldenedi (rejısser - Galına Pıanova). Joba ıdeıasy - ómiriniń kóp bóligin májbúrli dybystyq oqshaýlaýda ótkizgen jáne soǵan qaramastan shyǵarmalar jazǵan kompozıtordyń HH-HHI ǵasyrlarda mýzyka qandaı bolatynyn boljaı alǵanyn túsinýge jáne estýge tyrysý.
Eva Shmıtt, Qazaqstandaǵy Gıote-Instıtýtynyń dırektory, «Bethoven.Mute» jobasy týraly:
«Biz Qazaqstandaǵy Gıote-Instıtýty retinde «Igerý» ansambline júginip, olarǵa Bethovenniń 250 jyldyǵyna qazirgi zaman turǵysynan joba ázirleýdi tapsyrdyq. Mundaǵy maqsat – shaqyrylǵan orkestrdiń Bethoven mýzykasyn jáı ǵana oınap berýinde emes, Bethoven shyǵarmashylyǵynyń búgingi kúndegi ózektiligin zertteý jáne ony ózindik «ınflıýenser» retinde kórýge múmkindik berý boldy. Gıote-ınstıtýty retinde biz qazirgi mádenıetke jáne jergilikti mádenı sahna ókilderimen dıalogqa erekshe nazar aýdaramyz. EEGERUdi seriktestikke tańdap alý sebebimiz: ol Qazaqstan sahnasyndaǵy zamanaýı mýzyka salasynda eń bedeldi ansambl bolyp tabylady».
Raýshan Jumanııazova, EEGERU zamanaýı mýzyka ansambaliniń dırektory, «Bethoven.Mute» jobasy týraly:
«Meniń oıymsha, bizdiń árqaısymyzda, qazirgi zaman adamynyń ishinde óz Bethoveni ómir súredi - daryndy, izdenimpaz, batyl jáne ... estý qabileti nasharlaǵan. Jobanyń bastapqy ataýy «Biz bárimiz - Bethovenbiz» bolýy beker emes. Gıote-Instıtýtynyń usynysy Bethovenniń ıdeıasy shyǵarmalaryna arqaý bolǵan kompozıtorlardy oıǵa qonymsyz jolmen basyn biriktirgen osy biregeı jobanyń paıda bolýyna túrtki boldy. Bethovenniń tulǵasy, ómir baıany men shyǵarmashylyǵy ondaǵan urpaqtar jalǵastyǵynda jeke jáne ózekti tarıhı oqıǵa bolyp qabyldanady. Kompozıtor estý qabiletin joǵaltqan saıyn, bolashaqtyń mýzykasyn dóp basa aldy, danyshpannyń ishki túısigi tereńdeı tústi. Sizderge osy joldy bizben birge júrip ótýdi usynamyz».
Anastasııa Tarasova, ARTıShOK teatrynyń atqarýshy dırektory «Bethoven. Mute» jobasy týraly:
«Bizdiń teatr úshin EEGERU zamanaýı mýzykalyq ansamblimen jumys isteý árdaıym ósýge degen múmkindik, bul keremet seriktestik qundylyǵy, myqty mýzykalyq materıalmen tanysý. Drama teatry men akademııalyq mýzykanttardyń bir jerde qıylysýy Qazaqstanda jıi kezdese bermeıdi. Qazaqstandaǵy Gıote-Instıtýty men Lıýdvıg van Bethovenniń arqasynda bul shyndyqqa aınaldy. «Bethoven.Mute» EEGERUmen birge jasap jatqan alǵashqy jobamyz emes, 2019 jyly «Er-Tóstik» kameralyq operasyn shyǵarǵan bolatynbyz, sondyqtan pikirles kompanııamen qaıta kezdesip, jumys isteýge óte qýanyshtymyz».