Aǵymdaǵy jyldyń aqpan aıynyń 22-24 kúnderi saǵat 18:30-da kórermen nazaryna Almaty qalasynyń Memlekettik qýyrshaq teatry eresekterge arnalǵan «Makbet. Illıýzııa» qoıylymynyń premerasyn usynady. Atalmysh týyndy elimizde tuńǵysh ret qýyrshaqtar beınesinde sahnalanýda.
Spektakldi halyqaralyq, respýblıkalyq festıvalderde úzdik atanyp júrgen rejısser Dına Jumabaeva sahnalanady. Sýretshisi – Iýlııa Chernova, baletmeısteri – Anna oı, kompozıtory – G.Iýn. Basty keıipker Makbetti – Bolat Momynjanov, Shohan Qulnazarov, ledı Makbetti – Janar Maqasheva, Araılym Baıyrbekova sahnalaıdy.
Búginde kishkentaı búldirshinderden tys eresekterge arnalǵan keshki qoıylymdardy da sahnalap, jańa formatqa kóshken óner ordasy álemniń klassıkalyq týyndylaryn qýyrshaqtar beınesinde sóıletip, ulttyq qýyrshaq teatry ónerine jańa tynys syılaýda. Buǵan deıin sahna tórinde kórermenmen qaýyshyp, respýblıkalyq, halyqaralyq festıvalderde synshylar tarapynan joǵary baǵaǵa ıe bolyp, qanjyǵasyn júldeli oryndarmen maılap júrgen «Ana júregi» (avt. E.Ionov, rej. A.Zaıev), «Ana – Jer-Ana» (avt. Sh.Aıtmatov, rej. D.Jumabaeva), «Medeıa» (avt. Evrıpıd, rej. A.Salban), «Romeo men Djýletta» (avt. Ý.Shekspır, rej. D.Jumabaeva), «Men bir jumbaq adammyn... Abaı» (ınsenırovka avt. E.Lokshına, rej. A.Zaıev), t.b. syndy eresekterge arnalǵan qoıylymdar óziniń turaqty kórermenin tapqanyn eske salamyz.
