Atalmysh kórmege jaqyn jáne alys shetelderden (Reseı, Chehııa, Bolgarııa, Germanııa), sondaı-aq Qazaqstannyń – Almaty, Nur-Sultan, Taldyqorǵan, Atyraý, Pavlodar, Shymkent qalalarynan 40-tan astam sýretshiler qatysady. Kórmede beıneleý jáne qoldanbaly ónerdiń barlyq túrleri men janrlaryn kórsetetin týyndylar: peızajdar, natıýrmorttar, sıýjettik kompozıııalar, panno (keskindeme, keramıka, grafıka jáne t. b.) usynylady.
Sýretshiler týyndylarynda Qazaqstannyń tarıhy men dástúrli mádenıetine júginý bar. Zamanaýı sýretshiler kórkemóner salasyna kıeli turmys-salt elementterin - tarıh pen ejelgi ǵuryptardy, nanymdardy, petroglıfterdi, nyshan-belgilerdi, ata-ájelerdiń obrazdaryn, tarıhı dáýirlerdegi halyq batyrlarynyń beınesi arqyly túsindirme sıýjetter engizedi. Reseı, Chehııa, Bolgarııa jáne Germanııa sýretshileriniń shyǵarmashylyq kózqarastary da erekshe qyzyq. Týyndylarynda transendentaldy álem, sulýlyq jáne tabıǵat úılesimi taqyryptary beınelengen. Álemde bolyp jatqan pandemııaǵa qaramastan, osynaý qıyn ýaqytta búkil álem sýretshileri men keskindemeshileri bitimgershilik pen jaqsylyq nuryn, tabıǵat, mahabbat, baqyt, ómir men ólim, ótken, qazirgi jáne keleshek fılosofııasyn beıneleıtin keremet týyndylaryn jasaýda.
Kórmeniń sımvoly – máńgilik — ýaqyt, tabıǵat jáne adamnyń ajyramas birligi, adamnyń rýhanı bastamasynyń turaqtylyǵyn bekitý, toqtaýsyz damý, shyǵarmashylyq jáne jasampazdyq elementteri – osynyń bárin qazaqstandyq jáne shetel sýretshileriniń jumystarynan kórýge bolady.
Ekspozıııaǵa 80-nen astam jumys qoıylǵan. Kórme 2021 jyldyń 28 naýryzyna deıin jalǵasady.
Kórme kýratory: Lıdııa Drozdova, Marlan Nysanbaev