Búgin QR Ulttyq kitaphanasynyń ǵımaratynda "Jeldirme. Kúıler men ánder" kitabynyń tusaýkeseri ótti. Sharaǵa "Prezıdent jáne halyq" gazetiniń bas redaktory Marat Baıdildáuly, QR eńbek sińirgen qaıratkeri, kompozıtor Ermurat Úsenov, Qurmanǵazy atyndaǵy Qazaq Ulttyq konservatorııasynyń rektory, QR eńbek sińirgen qaıratkeri Arman Júdebaev, QR eńbek sińirgen qaıratkerleri Amantaı Bergalıev, Nurjan Janpeıis, Saıan Aqmolda, K.Baıseıitova atyndaǵy RQMMMI dırektory Bahtııar Abdrashev, J.Elebekov Kolledji dırektory Myrzahan Qadyrov, Asylbek Kenıgesov, Baýyrjan Bekmuhanbet jáne t.b. ónersúıer qaýym qatysty. Qurmanǵazy atyndaǵy Qazaq ulttyq konservatorııa stýdentteri Symbat Abdýahab, Dastan Qazkenov, Arnaı Nadyrhanov, Erasyl Esberdınov Áshiráli kúılerinen shashý shashty.
Atalmysh kitap Shý óńirinde ótken kúıshi-kompozıtor, aqyn, ári ánshi Á.Shańqojaevtyń 100 jyldyq mereıtoıyna oraı kúıleri men ánderi jınaqtalǵan, ómiri men shyǵarmashylyǵy týraly jazylǵan alǵashqy eńbek. Eńbekte kúıshi ómirbaıany men urpaqtary, tegi men týǵan jeri týraly maǵlumattar berilgen. Sondaı-aq, qolda bar mýzykalyq muralary notaǵa túsirilip, jańa úlgide qaıta usynyldy. Kitap oryndaýshylar men ǵylym, bilim salasyndaǵy mamandar men ónersúıer kópshilik qaýymǵa arnalady.
Kitapty baspaǵa daıyndap, redakııalaǵan, kúıler men ánderdi notaǵa túsirip, qurastyrǵan - Nurken Áshirov. Jınaq "Qazaq kitaby" baspasynan basylyp jyqty. Kólemi 144 bet.
Áshiráli Shyńqojaev – kúıshi, ánshi, aqyn, kompozıtor. Boıyna birneshe ónerdi toǵystyrǵan daryn ıesi 1920 jyly Jambyl oblysy, Shý aýdany, Kóktóbe aýylynda dúnıege kelgen. 12 jasynda sheshek aýrýyna shaldyǵyp, eki kózden aırylǵan. Zaǵıptyǵyna qaramaı, Alla bergen darynymen qara dombyrasyn serik etip, el arasynda aty shyǵyp ánshi-kúıshi Áshiráli atanady. Onyń shyǵarǵan týyndylary elge, otanǵa, balalaryna, tabıǵattyń qubylystaryna arnalǵan týyndylardan túzildi. «Kóterligen tyńym», «Kolhoz bıi», «Shoqpar», «Qoı kúzetý», «Tentek boran», «Jaılaý» kúıleri aty aıtyp turǵandaı el-jer, tabıǵat taqyrybyna arnalsa, «Baldyrǵan», «Bóbegim» sııaqty týyndylary balalaryna arnaldy. «Beıbitshilik áýeni», «Oı tolqyny» kúıleri fılosofııalyq, oıly týyndylar, «Toıǵa shashý» - Kenen Ázirbaevtyń mereıtoıyna, «Toıǵa tartý» - Qazaqstannyń 30 jyldyǵyna, «Toıbastar» kúıi de eldegi keleli oqıǵalarǵa baılanysty shyǵarǵan arnaýlary boldy. Jetisýdiń ataqty kúıshisi Baıserke Qulyshuly salǵan sara joldyń jalǵastyrýshysy bolǵanymen, óz aldyna bólek qoltańbasyn qaldyrǵan eren kúıshi bola bildi. Qos janarynan aırylyp qalsa da, kókiregi saırap turǵan daryn ıesi óle-ólgenshe qara dombyrasyn qasynan esh tastaǵan emes. Kúıshiniń kúıleri alǵash ótken ǵasyrdyń orta sheninde 1950-60 jyldary folklorlyq ekspedıııa músheleriniń jazyp alýymen tanyldy.