Jobanyń maqsaty - kózi kórmeıtin jáne nashar kóretin balalarǵa arnaıy aýyzsha sıpattama (aýdıodeskrıpııa) arqyly óner týyndylaryn estýine kómektesý.
Biz barlyq balalar daryndy jáne olardyń bilim alýǵa jáne damýǵa teń quqyly ekenine nyq senemiz jáne erekshe bilim berý qajettilikteri bar balalardyń ómir sapasyn jaqsartýǵa tyrysamyz. Mýzeı eksponattarynyń aýdıodıskrıpııalaryn daıyndaý ıdeıasy - «Álemdi ashý» atty úlken jobanyń bir bóligi ǵana, onyń maqsaty - erekshe bilim berý qajettilikteri bar balalarǵa, atap aıtqanda, estý qabileti buzylǵan balalarǵa elimizdegi bilim, shyǵarmashylyq, mádenı jáne rýhanı muralarǵa qol jetimdilikti qamtamasyz etý. Aýdıodeskrıpııa jobasy tek balalarǵa ǵana emes, eresekterge de arnalǵan.
Aýdıodıskrıpııa orys jáne qazaq tilderindegi 50-den astam eksponattardy qamtydy: qoldanbaly óner zattary, ulttyq kostıýmder, belgili sýretshilerdiń týyndylary, sýretshi Ábilhan Qasteevtiń keskindeme zaly. 30-jyldardan bastap búgingi kúnge deıingi Qazaqstan óneri, XVII - XX ǵasyrdyń basyndaǵy orys óneri, sondaı-aq XVI-XIX ǵasyrlardaǵy Batys Eýropa týyndylary usynylǵan. Sonymen qatar, mýzeı ǵımaratynyń ózi jáne oǵan jaqyn kósheler aýyzsha sıpattama aldy. Dybystyq jolsyzyqtardyń jalpy uzaqtyǵy 100 mınýttan asady.
Eksponattar geografııalyq, tarıhı jáne ýaqyt jaǵynan múmkindiginshe qamtý úshin tańdaldy. Aýdıolandyrýdy daıyndaǵan kezde eksponattardyń mazmuny men sıpattamasy tańdamaly túrde óńdeldi, balalar aýdıtorııasy úshin túsinikti jáne qol jetimdi, sonymen qatar qyzyqty sózder qoldanyldy, bul mýzeı kórmesine qoıylǵan zattyń sulýlyǵyn barynsha arttyrýǵa múmkindik berdi. Aýdıodıskrıpııa jobasyna kásibı dıktorlardan basqa, «Dara» qorynyń shaqyrylǵan dostary, demeýshileri men seriktesteri qatysqany nazar aýdartady.
Aýdıodıskrıpııa - bul zaǵıp adamǵa ómirde mańyzdy eshteńe joǵaltpaıtynyn sezinýge kómektesetin áńgimeleý formasy, al mýzeıdegi aýdıosúıemeldeý - úlken ári tereń jobanyń kishkene bóligi ǵana. Biz bul joba arqyly kórkemsýretti fılmderdiń, mýltfılmderdiń, teatrlandyrylǵan qoıylymdardyń, buqaralyq sporttyq oıyn-saýyqtyń, konertterdiń aýdıodıskrıpııasymen aınalysý kerek ekenin kórsetkimiz keledi, ıaǵnı aýdıodıskrıpııa bizdiń ómirimizdiń ajyramas elementine aınalýy kerek. Erekshe qajettilikteri bar balalarǵa / adamdarǵa óz quqyqtaryn júzege asyrýǵa múmkindikter qanshalyqty kóp jasalsa, olar bolashaqta sonshalyqty tabysty jáne táýelsiz bolady.
«Dara» qory - ómir súrý jaǵdaılaryn jaqsartýǵa jáne erekshe bilim berý qajettilikteri bar balalar men balalar úıindegi tárbıelenýshilerdiń damý múmkindikterin keńeıtýge, sondaı-aq Qazaqstandaǵy ınklıýzııany damytýǵa baǵyttalǵan jobalardy júzege asyrýǵa baǵyttalǵan jeke qaıyrymdylyq qory.