«QALLEKI» laboratorııasy – jastardyń teatr salasyndaǵy múmkindikterin keńeıtetin óner keńistigi. Zerthananyń maqsaty – shyǵarmashyl jandar úshin baılanys ortasyn qurý jáne ónerge ózgeshe kózqaras jasap, tyń dúnıelerdi sahnalaý. Olar ózindik jumystar jasaýmen, qatar zerthana negizinde birlesken jobalardy qurý maqsatynda rejısserlermen, dramatýrgtermen, horeograftarmen yntymaqtastyq múmkindigine ıe.
Mamyrdyń 25-i kúni «QALLEKI» óner keńistiginde Nur-Sultan qalasynyń teatr jastary Oralhan Bókeıdiń «Uıqym kelmeıdi» shyǵarmasyn Qallekı jastarynyń sahnalaýynda tamashalady. Spektakldiń jabyq kórsetiliminen soń, Q.Qystyqbaı, N.Óteýil, S.Toqmanǵalıeva, E.Jumataev, N.Álibek, E.Egeýbaeva, Á.Bıdahmet, J.Tólegen, N.Serikbolqyzy, R.Baqytbek, D.Týranov, G.Zııaýdın, A.Gýmarov, D.Baıǵojaev, E.Jańatilek, Q.Amanjol, A.Shalǵymbaeva, M.Ábil oılarymen bólisti. Uıymdastyrýshy-moderatorlar: Qazaq ulttyq óner ýnıversıtetiniń stýdentteri men túlekteri.
Mynaý jer men kóktiń arasynda adassaq – adasaıyq. Adamdar adasý arqyly bir-birin taýyp, bir-birine súıeýshi bolady da. Álde siz jol nusqaıtyn, jón nusqaıtyn baǵyt-baǵdarshy bolarsyz; áı, qolyńyzdan kelmes; óıtkeni siz de adasyp júrsiz...
Q.Qýanyshbaev atyndaǵy memlekettik akademııalyq qazaq mýzykalyq-drama teatrynyń laboratorııasy teatrdyń kórkemdik jetekshisi Qýandyq Qystyqbaıdyń qoldaýymen 2021 jyly sáýir aıynyń 30-shy juldyzy ashyldy.
«QALLEKI» teatr laboratorııasy
Oralhan Bókeı
«UIQYM KELMEIDI»
/drama/
Qoıýshy rejısser – Bázil Sultanǵazy
Horeograf – Saǵynysh Nurhaıdarova
Rólderde:
1. Ersin Aıtmuqash - akter
2. Anýar Bektas - akter
3. Aqjan Qurmasheva - aktrısa
4. Nurııa Bókenbaeva - aktrısa
5. Dınara Egýbaeva - aktrısa
6. Aıdana Ábenova - aktrısa
7. Saǵynysh Nurqaıdarova - aktrısa
8. Uljan Orazaeva- aktrısa
Mýzykamen kórkemdeýshi – Aısha Syrymbaeva, Marjan-Nur Makıbaeva, Sultan Tursynbekov
