Elena Beısembınova – áıgili qazaqstandyq grafık, keskindemeshi, 1960 jyldardaǵy
sýretshiler býynyna jatady. Ol óziniń shyǵarmashylyq jolyn gobelen, mýltıplıkaııa, kitap ıllıýstraııasy, túpnusqa jáne baspa grafıkasynyń sýretshisi retinde bastady. 1985 jyly keskindemege bet buryp, júzden astam keremet týyndylar jazdy. Onyń urany – tabıǵatqa degen adaldyq.
Elena Sergeevnanyń kórkemdik dúnıetanymynyń erekshelikterin onyń ónerinen ańǵarýǵa
bolady. Onyń jan dúnıesinde álem týraly jáne óziniń sezimderi jaıly jaǵdaıǵa baılanysty ár túrli tilderde sóıleı alatyn Aqyn ómir súredi.
Onyń ómiri ónermen jáne álemniń sulýlyǵyna tájim etýmen qanyqqan. Ol sheksiz tańdaný
men onyń kórinisteriniń baılyǵyna súısiný darynyna ıe. Búkil tabıǵat jáne onyń ár bóligi
máńgilikti de, ótkinshini de ustap alýǵa jáne jazyp alýǵa yqylas týdyrady. Sýretshi úshin
barlyq naqtylyq qaıtalanbas sheksiz súıkimdiliginde jatyr. Beısembınova alma, órik butaǵyn nemese sáldegúl gúlin bir ret qana jazýǵa qabiletti emes. Álemge degen kózqarasyńdy bir-aq ret nemese birjola bildirý múmkin emes. Sonymen, sheksiz ár túrli jáne birdeı zattar túsirip alynǵan birqatar kenepter paıda bolady.
Kórmege mýzeı qorynan jáne avtordyń jınaǵynan alynǵan 90-nan astam týyndy qoıylady.
Beısembınova Elena Sergeevna 1941 jyly 24 shildede Saratov qalasynda dúnıege kelgen. 1967 jyly Máskeýdiń joǵary kórkemdik-ónerkásiptik ýchılıesin (burynǵy Stroganovskoe) bitirdi. 1960 jyldan KSRO Sýretshiler odaǵynyń múshesi. 1981 jyldan bastap Kınematografıster odaǵynyń múshesi. 1968 jyldan bastap respýblıkalyq jáne halyqaralyq kórmelerge qatysýshysy. 1974-1984 jyldary - «Qazaqfılm» kınostýdııasynda mýltfılmderdiń qoıýshy-sýretshisi.
Oqýdy bitirgennen keıin, jubaıy Arsen Beısembınovpen birge Almatyǵa keldi. Sol kezden
bastap onyń ómiri men shyǵarmashylyǵy Qazaqstanmen, dálirek aıtsaq, Almatymen tyǵyz baılanysty.
Kórme jetekshisi – Kúljazıra Muqajanova, Qazaqstan beıneleý óneri bóliminiń jetekshisi