Sh.Aımanov atyndaǵy «Qazaqfılm» AQ «Sny rekı» («Ózenniń tústeri») atty kórkem-derekti fılm túsirmek. Kınokartına QR Mádenıet jáne sport mınıstrliginiń tapsyrysy boıynsha Ulttyq kınony qoldaý memlekettik ortalyǵynyń qoldaýymen iske asyrylady. Qoıýshy-rejısser qyzmetinde Krıstına Mıhaılova, prodıýser Dına Sábıtova.
Kınotýyndy Almaty oblysyndaǵy qarapaıym ózenderdiń biri - Aqsaı ózeni týraly baıandaıdy. Bul Aqsaı ózeniniń keńistigin zertteıtin eksperımenttik janrdaǵy gıbrıdtik fılm bolmaq.
Búginde joba birneshe aımaqtyq pıtchıngterdiń jeńimpazy atandy, sonyń ishinde Internews jáne New Talents Caucasus and Central Asia Pitching International Documentary Film Festival CinéDOC-Tbilisi «Doc formaty» bar. Sondaı-aq, joba Qara Film Festival qazaqstandyq derekti kıno festıvaliniń AYT pıtchınginiń jeńimpazdarynyń biri atandy.
Fılm avtorlary Germanııadaǵy DOK Leipzig halyqaralyq derekti kıno festıvaliniń DOK Co-Pro Market ónimder naryǵynyń alǵashqy qatysýshylary. Kartınanyń rejısseri Krıstına Mıhaılova Women CIRCLE halyqaralyq baǵdarlamasynyń Qazaqstan atynan qatysatyn alǵashqy jas rejısser. Baǵdarlama Serbııa, Horvatııa jáne Italııa elderinde úsh modýlde usynylady.
Qazir kınostýdııada atalmysh kórkem-derekti fılmniń túsirilimi boıynsha daıyndyq jumystary júrip jatyr. Túsirilim qyrkúıek aıynyń sońynda bastalady.