Festıvaldiń úsh kúninde kórermender men qatysýshylar túrli nomınaııa boıynsha baıqaýǵa túsken 80 úzdik anımaııalyq fılmdi tamashalady.
Uzaqqa sozylǵan qyzý talqylaýdan keıin qazylar alqasy eń úzdik dep myna týyndylardy tańdady:
Jeńimpazdar:
"Simple Forms" — Natalııa Ryss, Izraıl
"Syppyt suruktar" — Kyhynny Oıýýr, RF, Saha Respýblıkasy
"The Waiting" — Voker Shleht, Germanııa
"The Three Sisters" — Tımýr Kognov, Kıpr Respýblıkasy
"Chosen't" — Iotam Goren, Izraıl
"Ninety One - Synbaim" — Amal Temerbaev, Qazaqstan
Baıqaý baǵdarlamasyndaǵy negizgi jeńimpazdardan bólek, qazylar alqasynyń arnaıy júldesi de eki týyndyǵa tabystaldy. Arnaıy júldege ózbekstandyq AsKar Ýrmanov «SHITV.Spy» anımaııalyq fılmimen jáne Polshadan “Wait for me in a dream”týyndysymen qatysqan Natalıa Dýrshevıch ıe boldy.
Arnaıy syılyq tabys etken qazylar alqasynyń tóraǵasy Rashıd Agamalıev bul qazylar alqasy úshin eń qıyn sheshim bolǵanyn atap ótti. Mysaly, “Wait for me in a dream” fılmi qazylar alqasynyń úsh múshesine qatty áser etse, al bireýi beıtarap qalǵan.
Qazylar alqasynyń quramynda ANIMAFILM halyqaralyq festıvaliniń dırektory Rashıd Agamalıevten basqa, qazaqstandyq Animania festıvaliniń negizin qalaýshy jáne dırektory Almaz Qosobaev, Bishkekten Toondook anımaııalyq stýdııasynyń negizin qalaýshy Chıngız Asanalıev jáne máskeýlik tanymal sýretshi-qoıýshy Anna Popova boldy.
«Baıqaý baǵdarlamasyndaǵy kóptegen fılm bizdiń zamanymyzdyń absýrd jaǵdaıyn kórsetken. Rasynda da, biz ómir súrip jatqan ýaqyt óte qıyn jáne kóp jaǵynan absýrd», - dedi Rashıd Agamalıev.
«Úzdik anımaııalyq mýzykalyq beıneklıp» nomınaııasynyń jeńimpazy qazaqstandyq stop-motion ártisi Amal Temerbaev boldy. Ol baıqaý baǵdarlamasynda áıgili Ninety One boızdbendiniń “Synbaim” ánine jasalǵan anımaııalyq vıdeosyn usynǵan.
«Shynymdy aıtsam, búgingi baǵdarlamada júlde alamyn dep oılamadym. Jumysymnyń osyndaı sharada kórsetilip, ony kórermender kórip jatqanynyń ózi men úshin úlken jeńis. Qatysýshylardyń jumysy óte keremet deńgeıde. Bárin kórip bolǵanda, maǵan oryn joq dep oıladym, óıtkeni Germanııa, AQSh, Japonııadan qatysýshylar boldy. Sondyqtan men úshin bul tosyn syı boldy», - dedi Amal Temerbaev óz áserin jetkizip.
Baıqaý baǵdarlamasynan bólek, úsh kúni boıy kórermender festıval aıasynda anımaııa salasynyń kásibı mamandary ótkizgen túrli sheberlik sabaqtary men dáristerine qatysa aldy.
«Bul shynymen de men barǵan eń keremet anımaııalyq festıvalderdiń biri boldy. Men de festıvalder uıymdastyryp turamyn jáne mundaı sharalardy uıymdastyrý qanshalyqty qıyn ekenin bilemin, sondyqtan uıymdastyrýshylarǵa alǵys aıtqym keledi», — dedi Rashıd Agamalıev.
Festıvalge degen joǵary qyzyǵýshylyqty sheberlik sabaqtary men baıqaýǵa túsken fılmderdi kórýge kelgen qatysýshylardyń kóptigi dáleldeıdi. Úsh kún boıy ár is-sharada ıne shanshyr jer bolmady. Bıyl uıymdastyrýshylar festıval aıasyn keńeıtemiz degen maqsat qoıǵan.
«Buryn aýdıtorııamyzdyń basym bóligi anımatorlar men osy salada oqıtyn stýdentter bolsa, bıyl biz basqa da mamandyqtardyń ókilderin kóre alǵanymyzǵa qýanyshtymyz. Bul óte mańyzdy, sebebi zamanaýı anımaııa anımatorlardyń shaǵyn toby ǵana emes, keń qaýymdastyqty qamtıtynymen mańyzdy. Muny qala proesiniń bir bóligi etý mańyzdy», - dedi Almaty anımaııa festıvaliniń dırektory Anıta Chernyh.
Eske sala ketsek, TMD-ǵa qatysýshy memleketterdiń Memleketaralyq gýmanıtarlyq yntymaqtastyǵy qorynyń qoldaýymen 26 shilde men 28 shilde aralyǵynda Almatyda ekinshi ret halyqaralyq Almaty animation festival ótti.
Bıyl bizge 52 elden 250-den astam joba kelip tústi, onyń ishinen konkýrs baǵdarlamasyna 80 mýltfılm irikteýden ótti.
Buǵan deıin anımaııalyq baıqaý Baiqonur halyqaralyq kınofestıvali aıasynda ótkizilip, qatysýshylar sanynyń artýyna jáne kórermenderdiń keńeıýine baılanysty joba avtorlary 2023 jyldan bastap ony jeke festıval etýdi uıǵardy. Sodan beri Almaty animation festival sátti júzege asyrylyp keledi.
Festıval maqsattarynyń biri - jergilikti avtorlarǵa óz jumystaryn keńirek aýdıtorııaǵa jáne halyqaralyq qazylar alqasyna kórsetýge múmkindik beretin alań usyný.