Búgin, 30-qyrkúıek kúni, Almaty qalasyndaǵy QR Ulttyq kitaphanasynda belgili kınotanýshy Gúlnar Ábikeevanyń «Táýelsiz Qazaqstan kınosy. "Ári qaraı biz áreket etemiz"» (Kıno Nezavısımogo Kazahstana. «Dalshe deıstvovat býdem my») atty kitabynyń tusaýy kesildi.
Atalmysh kitap 5 taraýdan turady:
- «Barlyǵy qalaı bastaldy? "Qazaq jańa tolqyny"» (Kak vse nachınalos? «Kazahskaıa novaıa volna») (1986-1991)
- «Prodıýserlik kınonyń paıda bolýy» (Stanovlenıe prodıýserskogo kıno) (1991-1997)
- «Tarıhı sananyń qalyptasýy» (Formırovanıe ıstorıcheskogo samosoznanııa) (1995-2005)
- «Kınodaǵy ult qurylysy» (Naıostroıtelstvo v kıno) (2005-2012)
- «"Táýelsizdik balalary" býyny» (Pokolenıe «Deteı Nezavısımostı») (2013-2024)
Ár bólim Qazaqstannyń kıno álemindegi mańyzdy kezeńderdi qamtı otyryp, oqyrmanǵa jańa mádenı betburystar týraly baıandaıdy. Eńbek jýrnal prınıpine negizdelip, «Ýaqyt», «Kınoproess», «Adamdar», «Fılmder», «Suhbattar» syndy aıdarlarǵa bólingen.
Kitaptyń tusaýkeserine R.Nuǵmanov, L.Ahınjanova, R.Ábdirash, K.Shaıqaqov, R.Qosaı, A.Beıshenalıev, A.Jambakıev, A.Kenjebaev, E.Jumabekov, K.Kadyrbaev, E.Shıbanov, F.Tanaeva, E.Egeýbaeva, O.Kereıbaev qatysty. Bul shara tek kitap tanystyrylymymen shektelmeı, tusaýkeserge jınalǵan kınogerler árbir kınotýyndynyń artynda turǵan qyzyqty estelikterimen bólisti.
Kitap orys tilinde jaryqqa shyqty. Avtor Gúlnar Ábikeeva aldaǵy ýaqytta atalmysh kitaptyń qazaq jáne aǵylshyn tilderine aýdarylatynyn aıtty.
Kıno Nezavısımogo Kazahstana. «Dalshe deıstvovat býdem my»
Avtor jáne qurastyrýshy: Gúlnár Ábikeeva
Korrektor: Elena Kýzneova
Dızaın, mátindi betteý, Pre Press : «RUAN» baspa kompanııasy
Dızaıner: Anastasııa Taýkelova
Gúlnár Ábikeeva - kınotanýshy, ónertaný kandıdaty, Qazaqstan kınosynshylar qaýymdastyǵynyń prezıdenti. 2005-2013, 2022 jyldar aralyǵynda «Eýrazııa» Halyqaralyq kınofestıvaliniń baǵdarlama dırektory bolyp qyzmet etti.
Kıno týraly 14 kitaptyń avtory, olardyń ishinde "Cinema in Central Asia. Rewriting Cultural Histories" (Ulybrıtanııa, Maıkl Roýland, Bırgıt Boımerspen birlesip), "The Unknown New Wave of Central Asian Cinema" (Ońtústik Koreıa, Kım Djı-Seýkpen birlesip), «Kınodom Mahmalbaf» (Reseı) atty kitaptary shetelde jaryq kórdi.
2016 jyly «Óner jáne ádebıet kavaleri» ordenimen, 2021 jyly «Qurmet» ordenimen marapattaldy.
Gúlnár Ábikeeva halyqaralyq FIPRESSI, NETPAK uıymynyń jáne APSA kınoakademııasynyń múshesi.
