Almaty Series Festival aıasynda Series Mania festıvali vorkshop ótkizedi

2025 jyldyń 22–26 qyrkúıegi aralyǵynda Orta Azııada alǵash ret halyqaralyq Serial Bridges vorkshopy ótedi. Bul shara áıgili franýz festıvali Series Mania jáne onyń bilim berý bólimi Series Mania Institute bastamasymen uıymdastyrylyp, Almaty Series Festival jáne Franýz ınstıtýtynyń (Institut Français) qoldaýymen júzege asady.

Series Mania Institute jyl saıyn serıal álemine endi aıaq basqan jáne bul salada kásibı jumys jasap júrgen mamandarǵa arnalǵan vorkshoptar ótkizedi. Baǵdarlama buǵan deıin Rıo-de-Janeıro men Ystambulda sátti ótken bolatyn, al 2025 jyly alǵash ret Orta Azııada – Almaty qalasynda uıymdastyrylady. Vorkshopqa Qazaqstan, Ózbekstan, Qyrǵyzstan, Tájikstan jáne Túrkimenstan elderinen serıal jobasymen jumys istep jatqan 7 dýet (senarıst jáne prodıýser) qatysa alady.

Almaty Series Festival ındýstrııalyq festıvaliniń aıasynda ótetin bul bastama Qazaqstandaǵy serıal óndirisine arnalǵan alǵashqy is-shara. Ortalyq Azııa kontentin jahandyq deńgeıde ilgeriletýdi maqsat etedi.

Vorkshop nege arnalǵan?

Serial Bridges Central Asia (SBCA) baǵdarlamasynyń maqsaty – qatysýshylardy halyqaralyq serıal naryǵymen tereńirek tanystyrý, olardyń jobalaryn jahandyq deńgeıde ilgeriletýge atsalysý; eýropalyq koprodýkııalarǵa daıyndyq, koprodýkııa úshin seriktester tabý jáne halyqaralyq sarapshylar qatysatyn senarıı sheberhanalaryn damytý.

Bas júlde – halyqaralyq forýmǵa joldama

Baǵdarlamanyń qorytyndy kezeńinde kásibı qazylar alqasynyń qatysýymen pıtchıng-sessııa ótedi. Nátıjesinde eki adamnan turatyn úzdik komanda (prodıýser men senarıst/shoýraıner) 2026 jyldyń naýryz aıynda Franııanyń Lıll qalasynda ótetin Series Mania Forum halyqaralyq forýmyna arnaıy shaqyrtý alady. 

Qatysý talaptary

Atalǵan elderden úmitkerler vorkshopqa qatysý úshin ótinim bere alady. Irikteýge pre-production kezeńindegi jobalar qabyldanady. Ár dýet senarıst (nemese shoýraıner) pen prodıýserden turýy tıis jáne olar birlesip joba boıynsha jumys isteýi qajet. Baǵdarlamaǵa halyqaralyq sarapshylar qatysatyn bolǵandyqtan, qatysýshy komandanyń kem degende bir múshesi aǵylshyn tilin erkin meńgergen bolýy tıis.

Qosymsha aqparat, ótinim berý sharttary, merzimderi men formasy týraly málimetter Almaty Series Festival jáne  Series Mania -nyń resmı Instagram paraqshalarynda qoljetimdi.

 

 

BAQ úshin baılanys:

Taishanova Aruzhan Talgatkyzy

Press Attaché, Almaty Series Festival

e-mail: taishanovaaruzhan@gmail.com

+7-(775)-491-12-10