Aıgerim ESPENOVA
ónertanýshy
Qańtar aıynyń 18 kúni Qazaqstan Respýblıkasy Tuńǵysh Prezıdenti - Elbasy Qorynyń uıymdastyrýymen jas sýretshilerdiń «100h100. Men - zamanymnyń kýágerimin» atty kórmesi ashyldy. Kórmede 50-ge jýyq keskindeme, grafıka jáne kásibı qolóner týyndylary qoıyldy. Kórmeniń ereksheligi barlyq týyndylardyń kólemi 100h100, al taqyryptyq kompozıııa zamanaýı kózqarasta. Kórmedegi týyndylardyń barlyǵy boıaýy keppegen jańa týyndylar desek bolady. Jastardyń kórmege arnaıy daıyndalǵany, taqyryppen jumys jasaǵany aıqyn kórinedi. 100h100 kólemde arnaıy osy kórmege arnalyp oryndalǵan jastardyń shyǵarmalarynyń ishinen qazirgi tańdaǵy qoǵamǵa, adamǵa, ómirge degen kózqarastaryn ár avtor tolyǵymen jetkizýge tyrysqan.
Kórmege qatysýshy jas sýretshiler qatarynda Krylova K., Sultan Amanjol, Alı Zakır, Beknazarov D., Nurǵojaev A., Jeksenbıeva M., Mamyt A., Seısenhanuly B., Muratova G., Haıdarova A., Mustafaev A., Turǵyn A., Seıdaqul A., Omarova A., Tanaev E., Úsenbaev D., Júrgenov Á. taǵy basqalary boldy.
Jas sýretshiler "óz zamanymnyń kýágerimin" dep erekshe kompozıııalyq ıdeıalaryn erkin bergen. Kórermen qaýym da osy zaman kýágeri retinde árbir týyndymen jeke-jeke úndestik taýyp, óz zamanynyń kýágeri retinde suraǵyna jaýap tabady. Demek, shyǵarmany oryndaǵan avtor men kórermen arasyndaǵy baılanys týyndaıdy. Bul kórmeniń jetistigi dep aıtýǵa bolatyn jaǵdaı.