Almaty qalasynyń Ortalyq Muraǵatynyń uıymdastyrýymen qazaq teatry synynyń has sheberi, QR Memlekettik jáne Táýelsiz Platınaly «Tarlan» syılyqtarynyń laýreaty, T.Júrgenov atyndaǵy QazUÓA-nyń professory Áshirbek Syǵaıdyń 70-ke tolýyna oraı keleli eske alý jıyny ótti. Kezdesýge D.Isabekov, T.Medetbek, Á.Bópejanova, N.Orazalın, Ǵ.Jaılybaı, T.Tasybekova, T.Jylkeldıev, I.Saparbaı, Z.Asabaev, A.Qulbaev syndy t.b. zamandastary men qurdastary, ónerdegi áriptesteri kelip, ádemi estelikterimen bólisti.
Muraǵat qyzmetkerleri Á. Syǵaıdyń jeke muraǵatynan alynǵan foto qujattar men spektaklderdiń ártúrli afıshalaryn, aǵanyń aforızm sózderi ilingen arnaıy kórmeni usyndy. Kórmedegi ár afısha ózinshe bir tarıhtan syr shertedi. «Ǵalymnyń ózi ólse de, haty ólmeıdi» degen osy bolar.
Kórnekti teatr synshysy Áshirbek Syǵaıdyń 70-ke tolǵan mereıtoıyn respýblıkalyq deńgeıde atap ótý bıylǵy jyldyń kúzine josparlanyp otyr eken.
Aqmonshaq AHMET