Germanııa astanasynda osymen 67-shi ret uıymdastyrylyp otyrǵan halyqaralyq Berlın kınofestıvali óz máresine jetti. Dástúr boıynsha ár jyldyń ekinshi aıynda bolatyn kınofestıval bıyl 9-19 aqpan aralyǵynda ótkizilip otyr. Álemdik bedeldi kıno merekeniń sońy jeńimpazdardy marapattaý saltanatty rásimimen aıaqtaldy.
Festıvaldiń Gran-prı júldesi Senegaldyq rejısser Alen Gomıstiń «Felısıte» fılmine buıyrdy. «Altyn aıý» bas júldesimen Vengrııalyq Ildıko Enedıdiń «Tán men jan haqynda» («On Body and Soul») melodramasy marapattalsa, «Úmittiń ózge jaǵy» («The Other Side of Hope») fılmimen kelgen fınlıandııalyq Akı Kaýrısmıakı úzdik rejıssýrasy úshi «Kúmis aıý» júldesin jeńip aldy.
Úzdik aktrısa ataǵy «Jaǵajaıdaǵy túngi jalǵyzdyq» («On the Beach at Night Alone») fılmindegi róli úshin Kım Mın Hıge (Ońtústik Koreıa) berilse, úzdik akter ataǵy «Jaryq túnder» («Bright Nights») fılmindegi róli úshin Georg Frıdrıhke (Astralııa) buıyrdy.
Ádilqazylar alqasy úzdik senarıı nomınaııasy boıynsha Sebastıan Lelıo men Gonsalo Masanyń «Fantastık áıel» («A Fantastic Woman») fılmin jeńimpaz dep tanypty. Eń perspektıvaly kórkem fılm retinde Berlın festvalynyń negizin qalaýshy Alfred Baýer atyndaǵy arnaıy sılyqty «Iz» («Spoor») fılmimen Agneshka Holland (Polsha) ıelendi. Al Ýkraına men Germanııanyń birlesken jobasy Elızaveta Smıt pen Georg Jenonyń «№ 3 mektep»(«Shkola nomer 3») derekti fılmi «býyn 14+» («Generation 14+») programmasy boıynsha Gran-prı ıegeri atandy.
Málimet www.kinostan.kz saıtynan alyndy
Aıjan ESENGELDI