2-naýryz kúni saǵat 15:00-de M.Áýezov atyndaǵy Ádebıet jáne óner ınstıtýtynyń Jas ǵalymdar uıymy men "Teatr jáne kıno" bóliminiń uıymdastyrýymen "Búgingi jastar kınosynyń jańa sıpaty: baǵyttar men izdenister" taqyrybynda dóńgelek ústel ótkiziledi.
Dóńgelek ústelge Gúlnar Ábikeeva, Dárejan Ómirbaev, Gúljan Naýryzbekova, Moldııar Ergebekov, Gúlnar Múrsálimova, Gúlzat Kóbek, Baýbek Nógerbek, Ádilhan Erjanov, Serik Ábishev, Jasulan Poshanov, Renat Qosaı syndy kıno mamandary jáne Tólegen Baıtókenov, Kárim Qadyrbaev syndy buqaralyq aqparat quraldarynyń jetekshi jýrnalısteri shaqyrylyp otyr. Sonymen birge, álemdik kınofestıvalderde úzdik jumystarymen kózge túsip júrgen jas kınematografıstter, atap aıtqanda, Elzat Eskendir, Berik Jahanov, Sharıpa Orazbaeva, Darhan Tólegenov qatysady. Basqosýda búgingi jas rejısserlerdiń týyndylary men olardyń ustanǵan baǵyt-baǵdary talqylanady.
Dógelek ústeldiń maqsaty - búgingi jastar kınosynyń damý úrdisteri men jas kınematografıstterdiń ustanǵan baǵyt-baǵdaryn anyqtaý; olardyń túsirgen fılmderin álemdik tájirıbe boıynsha básekege qabilettiligin arttyrý joldaryn talqylaý.
Moderatory: M.Áýezov atyndaǵy Ádebıet jáne óner ınstıtýtynyń dırektory, fılologııa ǵylymdarynyń doktory, Ulttyq ǵylym akademııasynyń múshe-korrespondenti Ýalıhan Qalıjanov.
Dóńgelek ústel baǵdarlamasy:
- Birinshi bólim: vıdeo-esep (4 mın)
- Ekinshi bólim: pikir almasý (40-45 mın)
- Kofe-breık
- Úzdik fılm kórsetilimi: "Shakal" (rej. A.Seıitov) qysqametrli fılmi (7 mın)
Ótetin orny:
M.Áýezov atyndaǵy Ádebıet jáne óner ınstıtýty. (Qurmanǵazy 29. 2-qabat, májilis zaly)