Bıyl Qazaq eliniń maqtanyshy, kúı ónerine ólsheýsiz úles qosqan darhan daryn ıesi, kúıshi, kompozıtor, ustaz, Qazaqstannyń Halyq ártisi Maǵaýııa Hamzınniń týǵanyna 90 jyl. Osyǵan oraı Almatyda bilim jáne mádenıet mekemeleriniń birlese uıymdastyrýymen keń aýqymdy mereıtoılyq is-sharalar ótkizilmek. Atap aıtar bolsaq:
- 30-naýryz, 10:00-de T.Júrgenov atyndaǵy Qazaq ulttyq óner akademııasynda Maǵaýııa Hamzınniń shákirti Saýle Qanıevanyń sheberlik dárisi;
- 14:00-de "Dáýleskerlik dástúrdiń darabozy" taqyrybynda dóńgelek ústel, "Shertpe kúıdiń sheberi – Maǵaýııa" atty kúı keshi ótedi.
- 31-naýryz, 14:00-de J.Elebekov atyndaǵy Respýblıkalyq estrada-ırk kolledjinde QR mádenıet qaıratkeri, kúıshi, ustaz Murat Ábýǵazynyń "Qońyr kúıdiń Qońyrqazy" atty ashyq sabaǵy ótedi.
- Mereıtoılyq shara tústen keıin Yqylas atyndaǵy Respýblıkalyq halyq mýzykalyq aspaptar murajaıynda "Kúı maıtalmany – Maǵaýııa" atty saltanatty konerttik baǵdarlamamen túıindeledi.
Sonymen qatar, dóńgelek ústel aıasynda Maǵaýııa Hamzınniń oryndaýyndaǵy kúıler men shyǵarmalardan turatyn "Qońyrqaz" atty CD jınaǵynyń jáne QR eńbek sińirgen artısi, "Dástúrli mýzykalyq óner" kafedrasynyń meńgerýshisi, doent Ramazan Stamǵazıevtiń "Dombyramen án aıtý mektebi" atty kitabynyń tusaýkeseri bolady.
Maǵaýııa Hamzın – dombyrashy, kompozıtor-kúıshi, Qazaqstannyń halyq artısi. 1927 jyly qazirgi Qaraǵandy oblysy, Aqtoǵaı aýdanynda týǵan. Almaty mýzykalyq ýchılıesin bitirgen. Maǵaýııaǵa dombyrashylyq óner úlken atasy Áshimtaıdan, óz ákesi Hamzadan mura bolyp daryǵan eken. Áshimtaıdyń "Qońyrqaz" kúıin kezinde Hamza shertken. Ákeden úırengen bul kúıdi ónerli kúıshi Maǵaýııa da tartyp ketken. Balasynyń týma darynynyń kem emestigin bilgen áke ony qamqorlyqqa alyp, sol tóńirektegi Aqqyz, Satan kúıshilerdiń izimen ónerge baýlıdy. Óz betimen izdenip, el ishindegi ataqty kúıshi Aqqyz ájege jıi baryp, bolashaǵyna baǵyt-baǵdar, tálim-tárbıe alady.
1954-59 jyldary Maǵaýııa Balqash qalasynyń Mádenıet saraıynyń janynda ult aspaptarynan mýzykalyq orkestr uıymdastyryp, Moskeýde ótken Dúnıejúzilik jastar men stýdentter festıvaline qatysady. Osynyń aldynda, bul orkestr Respýblıkalyq konkýrstyń laýreaty ataǵyn alady.
Maǵaýııa Hamzın 1961 jyly jańadan qurylǵan Qazaqtyń Memlekettik "Qazaqkonert" birlestigine jumysqa ornalasady. Shertpe kúıdiń sheberi M.Hamzın óner sańlaqtary Júsipbek Elebekov, Shara Jıenqulova, Roza Baǵlanovalarmen birge respýblıkamyzdyń túkpir-túkpirinde óner kórsetedi.
1966 jyly Maǵaýııa Hamzın ónerdegi eren eńbegi úshin, Qazaq KSR-niń eńbek sińirgen artısi atanyp, 1979 jyly Qazaq KSR-iniń halyq artısi degen ataqqa ıe boldy.
Shertpe kúıdiń ǵajaıyp úlgilerin, sondaı-aq batystyń klassıkalyq mýzykasymen halyqtyq ónerdi erekshe baılanystyrǵan vırtýoz dombyrashy. Moarttyń, Bramstyń, Rahmanınovtyń klassıkalyq shyǵarmalaryn tuńǵysh ret dombyrada oryndaýshy. Sonymen birge, Indııa, Polsha, Latvııa, Qytaı, Sırııa, Monǵolııa, Germanııa, Vengrııa, Kanada sııaqty sheteldik kórermenderiniń aldynda óner kórsetken.
Sonymen qatar, M.Hamzın óz janynan "Belgisiz soldat", "Qos basar 1-2 túri, Kosmanavtar", "Jaılaý", "Jarys", "Jas qazaq" taǵy basqa kóptegen kúıler shyǵardy. Abaıdyń tórt ánine jáne úndi halyq ánderine popýrıler jazǵan.
1988 jyly "Qazaqkonert" birlestiginen qurmetti zeınet demalysyna shyqqannan keıin, Maǵaýııa Hamzın týǵan jeri Balqashqa kelip, óziniń óner mektebin ashyp, kóptegen shákirtter tárbıeledi.
Hamzın repertýarynda Táttimbettiń "Sarjaılaý" kúıi, Toqanyń, Daırabaıdyń, Aqqyz ben Qazaqstannyń basqa halyq kompozıtorlardyń kúıleri bar.
Maǵaýııanyń búgingi kúngi taqyryptardy arqaý etken, mazmundy kúıleri shertpe kúıdiń úzdik úlgileri qatarynda turady. Maǵaýııa Hamzın óziniń kópqyrly san-salaly kúıshilik talanty arqyly otandyq mýzykalyq mádenıetimizdiń tarıhyna ólsheýsiz úles qosty. Ol halqymyzdyń kúı óneriniń sónbeıtin jaryq juldyzyna aınalyp, onyń ataq-dańqyn bıikke kótergen óner tarlany.
Uıymdastyrýshylar: T.Júrgenov atyndaǵy Qazaq ulttyq óner akademııasy, "Dástúrli mýzykalyq óner" kafedrasy. Yqylas atyndaǵy halyq mýzykalyq aspaptar murajaıy. J.Elebekov atyndaǵy Respýblıkalyq estrada-ırk kolledji.