Qoıylym barysynda Tabyldy Dosymovtyń 14-ten astam ánderi jandy daýysta oryndalady. Jáne de ártúrli taǵdyrlardyń bastan keshken mahabbat hıkaıalary sýretteledi.
Spektakldi qoıýshy «Almaty-Music» teatry. Teatr jetekshisi, rejısseri T.Omarov. Mýzykalyq jetekshi – A.Aıdynuly.
Keshtiń qadirli qonaǵy bolyp T.Dosymovtyń januıasy keledi. Kóz kórgen dostary men án súıer aǵaıyndy osy keshten kezdestirýge bolady.
Qoıylym bastalmas buryn dálizde:
- sýretke túsý (fotosessııa),
- tegin kofe-breık,
- estelikter qaraý,
- jaıly oryndyqtar,
- áýezdi mýzyka (Tabyldynyń siz estimegen ánderi),
- erkin gıtara oınaý,
- Taǵy da basqa tosyn syılarǵa kýə bolasyz!
Meken-jaı: Almaty qalasy, Abylaı han dańǵyly, 83. Áıteke bı k-si qıylysy.
Tabyldy Dosymov - Qazaqtyń tuńǵysh bard aqyny (1965 jyly 15 shildede Atyraý oblysy, Inder aýdany, Inder poselkesinde týǵan - 2010 jyly 19 qazan, Inder poselkesi) - 1982 jyly Ál-Farabı atyndaǵy QazMUÝ-dyń jýrnalıstıka fakýltetine oqýǵa túsken. 1990 jyly Ál-Farabı atyndaǵy Qazaq Ulttyq memlekettik ýnıversıtetiniń jýrnalıstıka fakýltetin tamamdaǵan. 1983—1985 jyldar aralyǵynda Germanııada áskerı boryshyn ótegen.
1990 jyly arnaıy joldamamen Atyraý teleradıokomıtetine kelip, jańa oblystyq televızııanyń qúrylýyna atsalysqan. 1992 jyly oblystyq Nurmuhan Jantórın atyndaǵy memlekettik fılormonııada shyǵarmashylyq júmystarmen aınalysqan. «Jeltoqsannyń jebesi» atty jas talaptar tobynyń jetekshisi, 1993 jyly Inder aýdandyq til basqarmasynyń bastyǵy, 1995 jyly oblystyq dárejedegi Mahambet qorynyń dırektory qyzmetin atqarǵan. 2000 jyldan beri Inder aýdandyq mádenıet jáne tilderdi damytý bóliminiń bastyǵy.
«Janarymnyń jarqyly» (2000), «Unatamyn men seni» (2002) jyr jınaqtarynyń avtory. «Jaıyqtyń tolqyndary», «Tabyldyń áni» atty óleńder men án mátinderi jınaqtarynyń avtory. Ǵumyrynda janyna gıtrany serik etken Tabyl Dosymov jaıly zamandastary men qalamgerlerdiń estelikteri az emes. Óleńderi kitap bolyp basylyp, oqyrmandar arasynda qoldan qolǵa ótti. Ánderi keń baıtaq eliniń rýhyn kóterdi. Belgili jazýshy Jumabaı Qulıev pen jýrnalıster Serik Janbolat, Qanshaıym Baıdáýletova men Táýirbek Jumabergenuly daıyndaǵan «Iz tastap aqqan bir juldyz» atty Tabylǵa arnalǵan ǵumyrnamalyq kitap shyǵaryp, oqyrmandaryna tamasha tartý jasady. Respýblıkalyq «Úkili úmit» baıqaýynyń dıplomanty, oblystyq Jastar syılyǵynyń laýreaty (2000), Qazaqstan Respýblıkasy Mádenıet jáne aqparat mınıstrliginiń «Mádenıet qaıratkeri» belgisimen marapattalǵan (2003).