Jaqynda qazaqtyń talantty qyzdarynyń biri Maqpal Jumabaı "Maqpal sher" atty jyr jınaǵy men CD dıskisin shyǵaryp, onyń alǵashqy legi oqyrman qaýymǵa jol tartyp úlgergen bolatyn.
23-mamyr kúni saǵat 16:00-de Almaty qalasynda "Maqpal sherdiń" tusaýkeser keshi ótedi (Coworking HUB "Alataý Grand", 6-qabat). Kezdesýdi aqyn Eseı Jeńisuly júrgizedi.
Kezdesý Maqpaldyń maqamdy jyrlaryn oryndaýymen, pikirlesý jáne oı bólisýmen jalǵaspaq.
- Maqpal Jumabaı – aqyn. Onyń "Ana" atty óleńin jaqsy kórmeıtin qazaq joq. "Maqpal sherge" deıin "Qyrandar men qazaqtar" degen kitaby jaryq kórgen.
- Maqpal – ánshi. Ol óziniń óleńderin oqymaıdy, oryndaıdy. Onyń maqamdy jyrlaryn estigen jurt "qulaǵymyzǵa alystan talyp qobyzdyń úni kelgendeı bolady" dep baǵa beredi.
- Maqpal – sýretshi. Ol óziniń "Maqpal sherine" sýret saldyrý úshin úsh ıllıýstratormen jumys isteıdi. Alaıda, olardyń salǵan sýretteri kóńilinen shyqpaı, aqyry ózi sýret kýrsyna qatysyp, kitabynyń barlyq sýretterin salyp shyǵady.
- Maqpal – gıtarashy. Ol maqamdy jyrlaryn gıtaramen ózi súıemeldeıdi.
- Maqpal – jýrnalıst. Ol alǵashqy eńbek jolyn 2003 jyldary "Ana tili" gazetinde, "Qazaqstan", "Balapan" telearnalarynda jýrnalıstik qyzmet atqarǵan.
- Maqpal – ádebı menedjer. Ol – búginde Qazaqstannyń ashyq kitaphanasy Kitap.kz saıtynyń bas redaktory ári uıymdastyrýshysy.
Derekkóz
