Osymen 13-shi ret ótetin Halyqaralyq «Eýrazııa» kınofestıvaliniń baǵdarlamasyna álem boıynsha 2016-2017 jyldary jaryq kórgen úzdik avtorlyq jáne janrlyq kınotýyndylar engen.
Qazylar alqasynyń nazaryna 296 tolyq jáne qysqametrli fılm usynylady. Olardyń ishinen 101 fılm festıvaldiń negizgi baǵdarlamasynda tanystyrylsa, 19-y álem boıynsha alǵash ret kórsetiledi. Qazaqstandyq týyndylardyń ishinen festıvalge belgili kınorejısser Sábıt Qurmanbekovtiń «Oralman» kartınasy qatysady.
«Astana EKSPO-2017» halyqaralyq kórmesiniń tujyrymdamasymen úndes «Mádenıetter kópiri» taqyrybynda ótetin baıqaýda kınematografııa salasyndaǵy Ulttyq «Tulpar» júldesin tabystaý úshin Qazaqstan, Ortalyq Azııa jáne túrkitildes halyqtar fılmderiniń kórsetilimderi bolady.
Sondaı-aq, XIII Halyqaralyq «Eýrazııa» kınofestıvaliniń aıasynda alǵash ret TMD, Shyǵys (Qytaı, Úndistan, Ońtústik Koreıa) jáne Batys (Evropa, Amerıka) elderiniń fılm satýshylary men satyp alýshylarynyń qatysýymen ótetin «Eurasia Film Market» dástúrli bıznes-alańy kınojobalar pıtchıngterin, dóńgelek ústelderin, baspasóz-konferenııalaryn, sheberlik-saǵattaryn jáne arnaıy is-sharalaryn usynady.
Nıkolas Keıdj, Djon Malkovıch, Edrıen Broýdı qatarly esimderi álemge áıgili kıno juldyzdary bir aptaǵa sozylatyn festıvaldiń syıly qonaqtary bolmaq.
2012 jyly Ulybrıtanııalyq «International Film Guide» basylymy «Eýrazııa» kınofestıvalin álemdegi eń bedeldi 35 baıqaýdyń tizimine kirgizgen bolatyn.