Aǵymdaǵy jyldyń 22-shi shildesinde qazaq kıno óneriniń tarıhynda oıyp oryn alatyn aıtýly is-sharanyń ashylý saltanyty ótti. Bul – HIII Halyqaralyq «Eýrazııa» kınofestıvali.
1998 jyly qurylǵan «Eýrazııa» kınofestıvali joǵary dárejeli kınobaıqaýlardyń qatarynda kiretin iri jobalardyń biri bolyp sanalady. 2016-2017 jyldar aralyǵyndaǵy úzdik fılmderdi qalyń kórermen qaýymǵa usynyp otyrǵan Halyqaralyq «Eýrazııa» kınofestıvali «Bes qurlyq» balalar fılmderiniń konkýrsyn jarııalap otyr. Festıvalde 296 fılm kórsetilip, onyń 101-i negizgi baǵdarlamaǵa engizilgen.
Kınoforýmnyń qurmetti qonaǵy retinde álemdik dárejedegi Nıkolas Keıdj, Edrıen Broýdı, Djon Malkovıch qatarly akterler shaqyrylǵan. Sonymen qatar, qazaq kıno ónerine úlken úles qosqan kınogerler men akterler qyzyl kilemniń ajaryn ashty.
Festıval Nursultan Ábishuly Nazarbaevtyń sózimen bastaý alyp, konerttik baǵdarlamamen óz jalǵasyn tapty. Konert barysynda boıyńdy asqaq rýhqa toltyratyn qazaqtyń kúıleri oryndalyp, shet eldik qonaqtardy birshama erekshe áserli kóńil-kúıge qaldyrǵanyn jasyra almaımyz. Sóz kezegi álemdik deńgeıdegi akter Edrıen Broýdıge berilgen sátte, qos qolymen dombyranyń tartylýyn beıneli túrde kórsetip: «Esh ýaqytta da tamyry tereńde jatqan mádenıetińizden ajyramaýyńyzdy tileımin. Qazirgi jyldam ózgermeli zamanda ómir súrip jatqandyqtan, ýaqyt óte kele bir-birimizge uqsap ketetinimiz bar. Alaıda, sizderdi ózgelerden erekshelep turatyn mádenıetten qol úzip qalmaýlaryńyzdy ótine suraımyn» deıdi, konertten alǵan áserimen bólisip. Sonymen qatar, KSRO halyq ártisi Bıbigúl Tólegenova, «Daryn» syılyǵynyń ıegeri, tanymal ánshi Dımash Qudaıbergen, Qazaqstannyń Eńbek Eri Aıman Musahodjaeva óner kórsetti.
Qoryta kele, «Astana EKSPO–2017» halyqaralyq kórmesiniń aıasynda uıymdastyrylyp otyrǵan «Eýrazııa» kınofestıvaliniń ashylý saltanatyna baılanysty ótkizilgen konerttik kesh óte joǵarǵy deńgeıde júrgizilgenin aıta ketkimiz keledi. Konert sońynda qazaq kıno óneriniń altyn qoryna engen Sultan Qojyqovtyń «Qyz Jibek» fılmi qazaq tilinde kórsetildi.