"Jer tarıhy – El tarıhy" respýblıkalyq dramalyq shyǵarmalar baıqaýy, Jetisýda ótken tarıhı oqıǵalar men osy óńirden shyqqan aqyn-jazýshylardy dáriptep, halyqqa nasıhattaýdy murat tutady. Sonymen qatar, atalmysh baıqaý, búginniń eń ózekti máselesine aınalǵan dástúrli emes dinı aǵymdar men kende qalyp otyrǵan balalar dramatýrgııasyn damytyp, osy taqyryptar negizinde jazylǵan dramatýrgııadaǵy jańa shyǵarmalar legin qalyptastyryp, jańa zaman dramatýrgııasyna oqyrman men kórermen nazaryn aýdartý bolyp tabylady. Baıqaýdyń aty aıtyp turǵandaı dramalyq shyǵarmalar Jetisý topyraǵynda bolǵan oqıǵalar men keıipkerlerge negizdelýi shart. Osy úsh taqyryptyń tóńiriginde jazylǵan pesa qazylar alqasynyń kóńilinen shyqsa jańa teatr ǵımaratynyń ashylýy saltanatynda tusaýy kesilip, teatrdyń tarıhynda qalady.
Baıqaýdyń maqsaty men mindetteri:
- Jetisý óńirinde ótken tarıhı-saıası oqıǵalardy, mádenıet pen óner qaıratkerlerin halyq arasynda keńinen nasıhattaý;
- dástúrli emes dinı aǵymdardyń qoǵamǵa áserin azaıtý;
- kenje qalǵan balalar dramatýrgııasyn damytý;
- búginniń estetıkalyq talabyna saı dramalyq shyǵarmalardyń jańa formalaryn tabý, olardyń dúnıege kelýine yqpal jasaý;
- mádenıet pen ádebıet álemine úlesin qosyp júrgen jazýshylar men dramatýrgterdiń shyǵarmashylyǵyn damytý, olarǵa qoldaý kórsetý;
- tarıhı-mádenı muralarǵa teatraldyq jáne mádenı jurtshylyqtyń nazaryn aýdarý;
- jas urpaqty patrıotızm men otansúıgishtik sezimge tárbıeleý;
Dramalyq shyǵarmalardy baǵalaý krıterııi:
Qazylar alqasy baıqaýǵa kelip túsken qalamgerlerdiń shyǵarmashylyq ótinishteri men pesalardy mynadaı ólshemder boıynsha baǵalaıdy:
- taqyryptyń mazmunyn tolyq ashý;
- shyǵarmanyń ózektiligi, jańashyldyǵy;
- oılaý derbestigi, avtorlyq ustanym, baıandaý rettiligi;
- dramatýrgııalyq materıaldyń kórkemdik mańyzy;
- tutastyq (oıdyń, forma men mazmunnyń tutastyǵy);
- kishkentaı búldirshinderdiń dúnıetanymy men qııalyna túsinikti obrazdar;
- shyǵarma ıdeıasy men stıliniń bezendirý quraldarymen garmonııalyq úılesimdigi;
Jeńimpazdardy marapattaý:
Baıqaýdyń barlyq qatysýshylary dıplomdarmen, oryndar boıynsha júldeler men arnaıy atalymdar boıynsha jáne aqshalaı syılyqtarmen marapattalady. Sonymen qatar, Gran-prıdi jeńip alǵan pesa B.Rımova atyndaǵy Taldyqorǵan drama teatrynda sahnalatyn bolady.
Qatysý sharttary:
- shyǵarmashylyq baıqaýǵa barlyq tilek bildirgen tulǵalar qatysa alady;
- baıqýǵa qatysam deýshiler 2018 jyldyń 10 mamyryna deıin týyndylaryn uıymdastyrý alqasyna tapsyrýy kerek;
- shyǵarma laqap atpen qabyldanady (psevdonımmen);
- pesa kelesi janrlar boıynsha jazylýy shart:
- drama
- tragedııa
- komedııa
- ertegi
- avtordyń tolyq aty-jóni jáne ómirbaıany arnaıy bólek konvertte joldanýy tıis;
- jumystar merzimnen keshiktirilmeı usynylady.
- talaptarda kórsetilgen baıqaý taqyrybyna sáıkes kelmeıtin, usynylatyn merzim aıaqtalǵannan keıin kelip túsken materıaldar baıqaýǵa jiberilmeıdi;
- qazylar alqasynyń sheshimi hattamamen rásimdeledi jáne qaıta qaraýǵa jatpaıdy;
Ótinimder usyný:
Ótinim elektrondyq túrde biken2006@mail.ru meken-jaıǵa usynylýy kerek. Suraqtar týyndaǵan jaǵdaıda myna telefondar boıynsha baılanysýǵa bolady:
Anyqtama telefony: 8 (7282) 24-50-46, 24-18-62
"Almaty oblysynyń mádenıet, arhıvter jáne qujattama basqarmasy" MM, "B.Rımova atyndaǵy Taldyqorǵan drama teatry" MKQK
