16-qarasha kúni T.Júrgenov atyndaǵy Qazaq Ulttyq óner akademııasynyń «Ónertaný» fakýltetiniń «Etnoónertaný» mamandyǵynda oqıtyn stýdentterdiń ǵylymı zertteý jumystarynyń baıqaýy ótti.
Baıqaýdyń baǵalaý komıssııasynyń quramynda «Beıneleý óneriniń tarıhy men teorııasy» kafedrasynyń meńgerýshisi, fılosofııa ǵylymdarynyń kandıdaty, professor Qaldygúl Orazqulova jáne kafedranyń barlyq ustazdary men 4-kýrstyń stýdentteri boldy.
1-oryndy «Jamhan Aıdardyń shyǵarmashylyǵyndaǵy monýmentaldy keskindeme» taqyrybyndaǵy ǵylymı-zertteý jumysymen 3-kýrstyń stýdenti Ulan Baıdáýlet ıelendi.
2-oryndy Tımýr Daıyrbaevtyń «Qazaq rýhy» shyǵarmasyn taldaǵany úshin Aıtóre Ómirzaqov pen «S.Kalmykov shyǵarmashylyǵy» maqalasymen Aleksandra Kýdrıashova ıelendi.
3-orynnan Erkenaz Jumaǵul «N.Qılybaevtyń obraz sheshý ereksheligi» jumysy úshin, «Keskindemedegi Jambyl beınesi» zertteý
jumysymen Talant Sarsaqanov, «Júzik pen saqınanyń erekshelikteri» jumysy úshin Mereı Qaırbek kórindi.
1-kýrstyń stýdenti Symbat Rahmanálige "Asqar Esdáýletovtyń shyǵarmashylyǵy «Túrkisib» zertteý jumysy úshin yntalandyrý júldesi buıyrdy.
Portalymyzdan jas ónertanýshylardyń maqalalary kezegimen jarııalanatyn bolady.
