Rýslan Bolatuly Abdrafıkov 1968 jyly Soltústik Qazaqstan oblysynyń Petropavl qalasynda týǵan. 1987 jyly Krasnotýrınsk kórkemsýret ýchılıesin, 2014 jyly Sh. Ýálıhanov atyndaǵy Kókshetaý Memlekettik ýnıversıtetin bitirgen. 2007 jyldan bastap Qazaqstan Sýretshiler qaýymdastyǵynyń, 2014 jyldan QR Sýretshiler odaǵynyń múshesi. Petropavlovsk qalasynda turyp, sonda eńbek etedi.
Ekspozıııada sýretshiniń 40-tan astam akvareldik jumysy qoıylǵan. R.Abdrafıkovtiń erekshe jeńil, móldir tústi jáne fotografııalyq dáldikpen oryndalǵan peızajdary men natıýrmorttary kórermenderdi tańǵaldyryp, birinshi kezekte, sýretshiniń joǵary sheberligin kórsetedi. Rýslan Abdrafıkov ińir qarańǵylyǵy ma álde qysqy ashyq tań ba, qandaı da bolsa, tabıǵat qubylysynyń erekshe sulýlyǵyn anyq jetkize biledi.
Sýretshi saıabaqtaǵy nemese týǵan qalasynyń kóshelerindegi árbir aǵashty, aǵash qorshaýǵa qonaqtap, bir-birimen shyqylyqtaǵan qustardy, jańbyrly kúnde sý betinde elestegen aǵashtardyń jińishke dińderin muqııat túrde jáne erekshe sezimmen sıpattaıdy.
Natıýrmort sýretshiniń shyǵarmashylyǵynda erekshe oryn alady. Olar shynaıylyǵy sonshalyqty, jyltyraǵan shaı ydysyn qolyńmen ustap kórgiń keledi, nemese shyny ydystaǵy shabdalylardyń hosh ıisi seziletindeı. Árbir zattyń faktýrasyn nemese jaryq pen kóleńkeniń oıynyn sheber jetkizgeni asa tańqaldyrady.
Ekspozıııada «A la prima» tehnıkasynda, bir sáttik sezimdi jetkizý úshin bir seansta oryndalǵan jumystary da qoıylǵan. Olardan ótkinshi sátterdi sezinip, sýretshiniń sol ýaqyttaǵy jaı-kúıin túsinýge bolady.
Rýslan Abdrafıkovqa týǵan ólkesiniń tabıǵaty men týǵan qalasynyń bala kúninen ózine tanys kósheleri shabyt beredi.
Talantty sýretshiniń akvarel álemin ashatyn, ómirdiń qýat kózi men tús sıqyryna toly týyndylaryn usynatyn «A la prima» kórmesine qosh kelińizder!
Kórme 2017 j. 31 jeltoqsanǵa deıin jalǵasady.
Gúlnur Jubanova – kórmeniń kýratory.
