Kórsetilim T.Júrgenov atyndaǵy Qazaq ulttyq óner akademııasynyń kınozalynda ótedi. Kórsetilimnen keıin fılmniń túsirý tobynyń qatysýymen talqy-kezdesý bolmaq. Barsha kıno súıer qaýymǵa esigimiz ashyq.
Fılmde ómirge degen kózqarastary bir-birine uqsamaıtyn, minezderi de múldem bólek eki jas jigittiń taǵdyry baıandalady. Rýslan - ananyń meıirimin kórmegen tastandy bala. Polıııa qyzmetkerlerinen qashyp júrgen ol ózimen birge búkil álemdi joıyp jibermek oıy bolady. Alaıda shóldi dalada ol júreginde ımany bar, tóńiregindegilerdi mahabbat pen meıirimdilik nuryna bólendirip júrgen Abdolla esimdi jigitti kezdestiredi. Ózine qol jumsamaq bolǵan Rýslandy qutqaryp alsa da, Abdollanyń ómirine qaýip tónedi.
Óndirisi: Sh.Aımanov atyndaǵy "Qazaqfılm" AQ, «Asau Art Films» JShS qatysýymen
Janry: psıhologııalyq drama
Uzaqtyǵy: 88 mınýt
Qoıýshy rejısseri: Begars Elýbaev
Qoıýshy sýretshi: Djalalıtdın Ibragımov
Kompozıtory: Ádilhan Baıysbaev
Rólderde:Aıdar Asarbaı, Ádilet Topaev, Saǵat Jylgeldıev jáne basqalar.
