Halyqaralyq túsirilim tobynyń quramynda: amerıkalyq qoıýshy-rejısser Djef Vespa (Jeff Vespa), operator – Maksım Osadchıı («9 rota», «Stalıngrad») bar. Fılmniń senarııin jazǵan Benjamın A. van der Vın (Benjamin A. van der Veen). Basty rólderdi otandyq akterler Sanjar Mádıev (Ámire) jáne Erkebulan Daıyrov (Mustafa Shoqaı) somdaǵan. Sonymen qatar, brıtandyq akter Ben Aldrıdj (Ben Aldridge) jáne «Oblast tmy», «Trı bılborda na granıe Ebbınga, Mıssýrı» fılmderi arqyly tanylǵan amerıkalyq aktrısa Ebbı Kornısh (Abbie Cornish) jáne basqa da akterler túsken.
Kartınanyń bas prodıýseri, DAR kompanııasynyń negizin qalaýshy Álıdar Ótemuratov aldaǵy tusaýkeser týraly bylaı dedi: «Ámire Eýropa qoshemet kórsetip, qol shapalaqataǵan qazaqtan shyqqan alǵashqy ánshi bola tura, óz elinde ádiletsiz umyt bolǵan. Sondyqtan da men úshin osyndaı erekshe daryn ıesi týraly kópshiliktiń bilgeni mańyzdy. Biz zamandastarymyzǵa Ámire Qashaýbaevtyń qıyn ómir jolyn jáne fılmde shyrqalatyn onyń daýysyn estýge múmkindik bergimiz keledi. Ámireni jaqyn tanyp, ulttyq dástúrli ónermen etene tanysqan otandastarymyzdyń boıynda maqtanysh sezimi oıanady dep senemin. Óıtkeni, bizdiń mýzyka mádenıetin qalyptastyrǵan osyndaı adamdar, esimder bizdiń tarıhymyzda qalýǵa tıisti. Álem kınematografııasynda mýzyka dramasy janrynda túsirilgen fılmder kóp emes. Sondyqtan otandyq kórermenderge bul janrdaǵy kartınany kórip, ótken ǵasyrdyń 30-jyldaryna saıahat jasaý qyzyqty bolýǵa tıisti dep oılaımyn. Bul Qazaqstan kınematografııasyn jańa satyǵa kóterýge baǵyttalǵan biregeı kartına bolmaq. Otandyq kórermender joǵary deńgeıde baǵalaıdy dep úmittenem».
Kınotýyndy qazaqtyń tuńǵysh dramalyq tenor daýysty birtýar ánshisi Ámire Qashaýbaevtyń (1888-1934 jj.) qamshynyń sabyndaı ǵana qysqa da, jarqyn ǵumyryn baıandaıdy. 1925 jyly Parıjde ótken Exposition Internationale des Arts Décoratifs et Industriels Modernes sheńberinde ótken búkilálemdik mýzykalyq baıqaýda Eýropa kórermenderine qazaqtyń dástúrli ánshilik óneri men qara dombyrasyn pash etken 36 jastaǵy Ámre Qashaýbaev KSRO delegaııasynyń arasynan top jaryp, ekinshi oryndy jáne kúmis medal ıelendi.
Fılm, sondaı-aq, daryndy ánshi Ámire Qashaýbaevtyń djaz oryndaýshysy Djordj Gershvınmen dostyǵy týraly syr shertedi.
«Ámire» fılmi Parıj aspanyn ánge bólep, kúlli álemdi tamsandyrǵan Ámire Qashaýbaevtyń 130 jyldyǵyna shyqqaly otyr.
Fılmde Ámire Qashaýbaevtyń repertýaryndaǵy «Balqadısha», «Úsh dos», «Dýdaraı», «Bes qarager» jáne t.b. ánderi oryndalady.
Kartına Latvııa, Los-Andjeles qalalarynda túsirildi. Sondaı-aq fılmniń sońǵy túsirý jumystary Almaty oblysy Úshqońyr aýylynyń mańynda júrgizildi.
Ámire Qashaýbaevtyń esimin keń nasıhattaý maqsatynda byltyr «Ámire Parıjde» atty kitap jaryq kórgen bolatyn.
«Ámire» fılmi «Qazaqfılmniń» 2018 jyldaǵy birlesken aýqymdy alǵashqy jobasy bolmaq. Qazir QHR-men birlesken «Kompozıtor» fılmi montajdaý kezeńinde tur. Kórkem týyndy ekinshi dúnıejúzi soǵysynda Almatyda ómir súrgen qytaılyq kompozıtor Sı Sın Haıdyń ómiri men qazaqtyń uly kompozıtory Baqytjan Baıqadamov arasyndaǵy dostyǵy týraly baıandaıdy.
Sondaı-aq, óndiriske reseılik «Stýdııa Kıno»kompanııasymen birlesken «Mahabbat. Úmit. Astana» serıaly jiberildi. Jýyrda Reseıdiń «Pervyı kanal» arnasymen seriktestikte, Qazaqstanǵa evakýaııalanǵan Mosfılm men Lenfılm jáne Almatydaǵy kınohronıka stýdııasy negizinde qurylǵan Ortalyq biriktirilgen kınostýdııa týraly «Evakýaııa» dep atalatyn joba qolǵa alynbaq.
Anyqtamalyq aqparat:
«Ámire», uzaqtyǵy: 88 mınýt
Óndirisi: «Qazaqfılm» AQ, «Dar Play» kompanııasy
Bas Prodıýseri: Álıdar Ótemuratov.
Rejısseri: Djef Vespa (AQSh).
Operatory: Maksım Osadchıı (Reseı).
Senarıı avtory: Benjamın A. vann der Vın (AQSh).
Keńesshi: Jarqyn Shákárimov, (QR Eńbek sińirgen qaıratkeri, Ámire Qashaýbaevtyń ómiri men shyǵarmashylyǵana arnalǵan eńbekterdiń avtory).
Akterler:
Ebbı Kornısh – Lı Ebbot
Sanjar Mádıev – Ámire
Erkebulan Daıyrov – Mustafa Shoqaı.
Ben Oldrıdj – Djordj Gershvın