27-naýryz Halyqaralyq
teatr kúni. Elimizdiń 60-tan asa teatr ujymdary arnaıy daıyndalyp, ózderiniń
kásibı merekesi qarsańynda jyl boıy jasaǵan jemisti eńbekterimen esep berip
jatady. Bul Elbasynyń bıylǵy Joldaýy men «Rýhanı jańǵyrý»
baǵdarlamasyndaǵy belgilengen ıgi sharýalarmen úndesip, elimizdiń rýhanı-mádenı
turǵydan túleýine óz septigin tıgizetin dástúrli is-sharaǵa aınaldy.
Memlekettik mańyzy bar osyndaı
is-sharaǵa M.Áýezov atyndaǵy Ádebıet jáne óner ınstıtýtynyń ǵalymdaryny da
aıtary bar. Instıtýtymyzdyń Teatr jáne kıno bólimi osy baǵytta irgeli
zertteýlerimen erekshelendi. Búgingi qazaq teatry men onyń baǵyt-baǵdaryn,
ózekti máselelerin 2015-2017 jj. aralyǵynda zerttep jazǵan 5 ujymdyq
monografııasy QR BǴM Ǵylym komıteti qarjylandyrýymen irgeli jáne qoldanbaly ǵylymı-zertteý jobalary aıasynda daıyndalyp
baspadan shyqty. Kitap avtorlary respýblıkadaǵy belgili teatr, mýzyka salasynyń
zertteýshi mamandar. Bul kitaptar búgingi teatrtaný ǵylymyna qosylǵan qajetti
zertteýler bolýymen birge qazaq teatr ónerin zertteıtin mamandarǵa,
mádenıettanýshylarǵa, arnaıy orta jáne joǵary óner oqý oryndarynyń stýdentterine,
teatr óneri men mádenıetiniń tarıhyna qyzyǵýshylyq tanytatyn jalpy jurtshylyqqa
arnalǵan.
Kitaptar týraly qysqa aqparat:
1. «Iskýsstvo kazahov v aspekte obetıýrkskıh kýltýrnyh tradııı». Ujymdyq monografııa. –Almaty: JShS «Print Express baspasy jáne polıgrafııasy», 2017. – 418 b. Jaýapty redaktory ónertaný kandıdaty Jumaseıitova G.T.
Bul ujymdyq monografııada qazaqtardyń beıneleý, mýzyka jáne teatr ónerinde kórkem beıneler men sımvoldardyń daralyǵy men ámbebaptyq dástúr jalǵastyǵy, kórkemónerdegi jalpytúrkilik ortaq áleminiń kórkem kelbeti, birligi men ózindik erekshelikteri aıqyndaldy.
2. «Qazaq sahnasynyń sheberleri: Shyǵarmashylyq portretter». - Almaty: JShS «Print Express baspasy jáne polıgrafııasy», 2017. – 324 b. ıll. Jaýapty redaktory ónertaný kandıdaty Muqan A.O.
Bul kitapta qazaq mádenıetiniń mańyzdy salasy teatr jáne kıno ónerindegi tanymal tulǵalarynyń óneri jan-jaqty zerdelenip, olardyń otandyq mádenıettegi alatyn orny, ózindik sýretkerlik ereksheligi ashyp kórsetiledi. Kórermenniń kóńilin jaýlaǵan talantty akterler men rejısserlerdiń shyǵarmashylyǵyn dáriptep urpaq jadynda saqtaýǵa yqpal etý bul kitaptyń basty maqsaty.
3. «HHI ǵasyrdaǵy qazaq teatry: dástr jáne ınnovaııa». Ujymdyq monografııa. – Almaty; Prınt-ekspres. 2017 j. 340 bet. qosymsha, kesteler, ıll. Jaýapty redaktory ónertaný kandıdaty Muqan A.O.
HHI ǵasyrdaǵy Qazaqstan teatrlaryndaǵy júzege asyp jatqan ınnovaııalyq jobalar, sahna óneriniń búgingi kelbetin ashatyn stılıstıkalyq damý baǵyt-baǵdary men erekshelikteri, jetistikterin álemdik órkenıetke janasatyn kórkemdik kelbeti qarastyrylady. Táýelsiz Qazaqstannyń teatr sahnalarynda sony álemdik ozyq tájirıbeni engizgen sahnalyq qoıylymdary, kórermenniń kóńilinen shyqqan drama, qýyrshaq, opera jáne balet ónerindegi ınnovaııalyq izdenister saraptalady.
4. «Múmkindigi shekteýli jandar shyǵarmashylyǵyndaǵy ónerdiń roli men orny». (Almaty: JShS «Print Express baspasy jáne polıgrafııasy», – Ujymdyq monogrfııa. – Almaty, 2017. –194 b. Jaýapty redaktory ónertaný kandıdaty Erkebaı A.S.
«Múmkindigi shekteýli jandar shyǵarmashylyǵyndaǵy ónerdiń roli men orny» ujymdyq monografııasy Qazaqstan ónerindegi múmkindigi shekteýli azamattardyń shyǵarmashylyǵyna arnalǵan. Bul taqyryp buryn múldem qarastyrylmaǵan tyń zertteý nysany retinde qundy. Múmkindigi shekteýli bolsa da qoǵamda teń quqyly áreket etýge, shyǵarmashylyqpen aınalysýǵa tolyqqandy múmkindikke ıe jandardyń jetistikteri, ózindik ózekti problemalaryna da nazar aýdartady.
5. «Qazaqstannyń zamanaýı teatr úderisindegi Festıvaldiń halyqaralyq baılanys retindegi róli». – Ujymdyq monografııa. – Almaty, baspasy “Print-Express”, 2017. – 350 b. Jaýapty redaktory ónertaný kandıdaty Erkebaı A.S.
«Qazaqstannyń zamanaýı teatr úderisindegi Festıvaldiń halyqaralyq baılanys retindegi róli» ujymdyq monografııasy qazaq teatryn shetelderge tanytatyn, sahna óneriniń damýyna erekshe úles qosatyn halyqaralyq, respýblıkalyq deńgeıdegi teatr festıvalderiniń tarıhy men qalyptasýyn, basty tendenııalary men izdenis joldaryn, baǵyt-baǵdary men teatr ónerin damytýǵa tıgizetin áserin aıqyndaýǵa arnalǵan.