Atalmysh fılmge Sh.Aımanov atyndaǵy «Qazaqfılm» kınostýdııasy tehnıkalyq qoldaý kórsetti. Fılmniń senarıı avtory ári qoıýshy-rejısseri – akter, rejısser, kompozıtor Álisher Súleımenov.
Fılm avtorlarynyń aıtýy boıynsha bul kartına Qazaqstandaǵy alǵashqy qalalyq saga-fentezı. Týyndy máńgilikke jaýlasyp kele jatqan Jaqsylyq pen Jamandyqtyń kúresin qalalyq jastardyń túngi ómiri men kúndelikti tirshiligi arqyly baıandaıdy.
«Fılm kóptiń biri bop júrgen jigittiń ómirin óz oıyndarynyń oıynshyǵy etken Perishte men Ázizil týraly. Ekeýi kelisimge kelip, syrtynan baqylaý jasap, Tımýr esimdi jigittiń ómirine aralasady. Biz shynaıy ómirde qanshalyqty erteginiń oryn alatynyn jáne ertegide shynaıy ómirdiń baryn kórsetkimiz keldi. Jalpy aıtqanda, fılm úlkenderge arnalǵan ertegi», - deıdi Álisher Súleımenov.
Barlyq túsirilimder Almaty qalasynda ótken. Túsirilim lokaııalary retinde qalanyń túngi klýby men bıik ǵımarattyń shatyry alynǵan. Keıinnen sahnalar arnaıy effektiler men kompıýterlik grafıka arqyly qajetti qalypqa keltirilgen.
Fılmdegi basty ról jas akter, rejısser jáne senarıst Dıas Ázimjanǵa buıyrǵan. Ol Nıý-Iork kınoakademııasyn bitirip, «kıno jáne tv rejıssýrasy» atty mamandyǵy boıynsha magıstr atanǵan. Aıta ketelik, bul onyń tolyqmetrli kınodaǵy alǵashqy róli.
Dıas Ázimjan rejısser retinde úsh qysqamterajdy fılm túsirip, mynadaı kınofestıvalderdiń laýreaty atanǵan: Direct Monthly Film Festival, I Respýblıkalyq “Baıqońyr” kınofestıvali, “Los Angeles CineFest”, “Barcelona Planet film festival”, “Indie Wise virtual film festival”.
Sondaı-aq, fılmge Vahıd Izımov, Kamılla Nýgmanova, Qazyna Abdyrahman, Madına jáne Medına Tálipbek, Úsenjan jáne Asanjan Sultanovtar jáne basqalar.
Fılm týraly: Qyz ben jigit keıpindegi Perishte men Áziázil, qaladaǵy bıik bir ǵımarattyń ústinen tómen qarap, ketip bara jatqan Tımýr esimdi jigitke tańdaýlary túsip, teketireske túsedi. Oıynda eshteńe joq jigit túńgi klýb ákimshisi bolyp tabylatyn dosynyń týǵan kúnin toılaý úshin klýbqa qaraı betteıdi…
Óndirisi: A"Star Film, Bayterek production, Kazakhfilm
Senarıı avtory: Áli Sher Súleımen
Qoıýshy-rejısser: Áli Sher Súleımen
Qoıýshy-operator: Eskendir Narymbetov
Qoıýshy-sýretshi: Rınat Shashýbaev
Kompozıtorlar: Asqar Shafı, Stas Ionov
Prodıýser: Arıel Ásenova
Hronometrajy: 80 mınýt
Janry: fentezı
Shyǵarylǵan kúni: 2018
Anyqtamalyq aqparat:
Álisher Súleımenov - Aktıor, Rejıssıor, Senarıst, Kompozıtor
Fılmografııasy: (kınodaǵy rólderi) «Jertva dlıa Imperatora», «Kanýn», «Leıtenant S», «Balalyq shaǵymnyń Don Kıhoty», «Tretıa storona medalı», «Qulager».
Fılmografııasy: (qoıýshy-rejııser jáne senarıst) «Oblako na kryshe», «Lýna lıýbıt Solne», «Ptıa», «Moı mılyı/Aınalaıyn».
derekkóz: www.kazakhfilmstudios.kz