Z.Túsipovanyń shyǵarmashylyq joly ol ózi Almaty kórkemsýret ýchılıesiniń teatr bólimin aıaqtaǵannan keıin 1970-jyldary bastaldy. Zeıneptiń ónerde tańdap alǵan joly – tabıǵatty baıyppen, paıymmen qabyldaý jáne halyqtyq turmysty dáripteý. 1948 jyly 7 aqpanda Jambyl oblysy Taldybulaq, qazir Aqtoǵaı aýylynda týyp-ósken Zeınep úshin bul zańdy da. Ol ómirdiń ótkir shıelenisterinen boıyn aýlaq ustaıdy, biraq ol sýretshiniń kórmeıtindiginen emes, ol bárinen buryn tabıǵattyń jan-tini týraly oılardyń taza ári jermen shynaıy baılanys ornyqqan jerde tabıǵat pen adamnyń úılesimmen damıtyn kórikti mekenderin taýyp, sony jazady. Kóbinese halyq dástúrlerin saqtap qalǵan qazirgi aýyldardyń ómiri ony óziniń turaqty adamgershilik kúshimen, adamı qatynastardyń qaıyrymdylyǵymen ózine tartyp alady. Muny tabıǵatpen jarasym tapqan ómir dep bilemiz. Sýretshi osynyń bárin ómirdiń óziniń erekshe sımvoly, túıini bolǵan aýyl ómiriniń keńistigine syıǵyzady. Onyń tikeleı tabıǵattyń ózinen alyp sýrettegen peızajdary tabıǵatty qabyldaý kúıi men onyń táýelsiz bolmysyn, kompozıııalyq qurylymnyń erkindigi men tabıǵılyǵyn daralap tur. Zeınep Túsipova – jany názik keskindemeshi, naǵyz kolorıstiń ózi. Onyń shyǵarmashylyǵy tııanaqty da tyńǵylyqty, ózi bar yqylasymen, qurmetpen qaraıtyn Qazaqstan keskindeme mektebiniń dástúrinde qalam tartyp júrgen sýretshi. Osylaısha, ol urpaqtar sabaqtastyǵynyń saqtalyp qalýyna qamqorlyǵyn aıamaıdy.
Túsipovanyń týyndylary Á.Qasteev atyndaǵy QR Memlekettik óner mýzeıinde, elimizdiń kórkemsýret mýzeılerinde, Túrkııa, Germanııa, Franııa, Vengrııa, Koreıa, Reseı, Qazaqstan jáne taǵy basqa da elderdiń jeke kollekııalarynda saqtaýly. Ol «Senej», «Dzıntarı» shyǵarmashylyq úılerinde, Gýrzýfta jumys istedi, 1991 jyly Mozambıkte, 1993 jyly Seýlde, 2001 jyly Kaırde ótken halyqaralyq kórmelerge qatysty.
«Tirshilik jyry» kórmesinde sýretshiniń 70-ten astam týyndysy qoıylady. Kórme 2018 jyly 27 mamyrǵa deıin jalǵasady.
Kórmeniń kýratory – Mýkajanova Kýljazıra