Aıgerim Majıthanqyzy
ónertanýshy
Birinshi kórme 5 naýryz kúni «Kóktem áýeni» ataýymen kórkem toqyma mamandyǵy uıymdastyrdy. Ekinshi kórmeniń atalýy «Kóktem shabyty», bul kórmede stanokty grafıka, keskindeme, músin mamandyqtary úzdik jumystarynyń úlgisin kórsetti.
«Kóktem áýeni». Kórmeniń maqsaty: Qazaq qoldanbaly ónerin jandandyryp, damýyna úles qosý. Stýdentterdiń boıyndaǵy mamandyǵyna degen qyzýshylyǵyn arttyryp, sapaly týyndy jasaýǵa shabyttandyrý.
Kórmeni uıymdastyrar aldynda úlken jumys júrgizildi. Kórmeniń ashylýyna deıin stýdentterdiń barlyq jumystaryna irikteý jumysymen qatar eń jaqsy týyndyǵa taldaý ótkizildi. Saraptamashy retinde Astana qalasynyń sýretshiler Odaǵynyń tóraǵasy Ermekov Tohtar Tıshkýlovıch shaqyryldy. Gobelen, kıiz den jasalǵan jumystarynyń sapasy men kompozıııasy qarastyryldy. Sondyqtan eń úzdikterine arnaıy "Sheberlik", "Úılesimdilik" nomınaııalary boıynsha júldeli oryndar berildi.
Júldeli oryndar alǵandar:
"Úılesimdilik" nomınaııasy:
1 oryn – Tezekbaeva Gúlaıym "Taýdyń eteginde" atty gobelen jumysy. Jetekshisi:Kalımova–Kasteeva Darııa
2 oryn – Hasanýtdınova Sara, "Keshki natıýrmort" gobelen. Jetekshisi: Kalımova-Kasteeva Darııa.
"Sheberlik" nomınaııasy
1 oryn – Tezekbaeva Gúlaıym,"Ótkennen bolashaqqa" atty gobelen.Jetekshisi: Sáýle Mýhamedjanova.
2 oryn – erbakova Kamılla, "Qýanyshty sátter" atty gobelen. Jetekshisi: Kalımova–Kasteeva Darııa.
3 oryn - Appazova Dına, "Aýyl keshi" atty kıizden jasalǵan panno. Jetekshisi: Botagoz Tólesh
Sonymen qatar, Gran prı retinde eń úzdik jumys tańdaldy. Oǵan "Úzdik týyndy" degen ataý berildi. Osy júldeni Hashımova Saıda "Kóktem" atty kıizden jasalǵan týyndysyna aldy. Jetekshisi: Botagóz Tólesh.
«Kóktem shabyty» atty kórmeniń ashylýy sáýir aıynyń 17-si kúni ótti.
Kórmede stýdentterdiń kýrstyq jumystary jáne dıplomdyq jumystary, saıystarǵa qatysyp júlde alǵan týyndylary da qoıyldy. Ekspozıııa qurylmaı turyp, irikteýden ótkizilip, eń úzdikteri kórermender nazaryna usynyldy. Kórme mamyr aıynyń 17-sine deıin bolady. Maqalada birneshe týyndyǵa, ásirese dıplomdyq jumystardyń taqyryptaryna jáne mazmunyna sholý jasaldy. Dıplomdyq jumys – sheberliktin jáne stýdenttiń oı sanasynyń jetilýin, sýretshi retinde qolyptasa bilýin, kolledjde meńgergen biliminiń qorytyndysynyń kórsetkishi. Sondyqtan birneshe jumysqa toqtalyp ótken jón.
Kórmege jumystarymen jáne oqýshylardy daıyndap qatysqan oqytýshylar: Mahanbetjanova G.M., Izbekenov A.A., Kasteeva D.M., Amanbaev M.S., Tólesh B.Sh., Dosmagambetov B., Asemqul B.S., Talaphan A., Tabysbek T., Nýrbaev S.A., Aýbakırova A.D.
«Tirshilik qamy» - balyqshylardyń kún kórisi. Men Balqash kóli jaıynda aıtpaqshymyn. Ol jerde ózim kórgen balyqshylardyń óz januıalary úshin baryn salyp balyq aýlap jatqanyna kýá bolǵanmyn. Sondaǵy alǵan áserim keremet. Jumystyń maqsaty tek kórinisti berý ǵana emes, sonymen qatar qorshaǵan ortany men kóńil kúı tolǵanysyn beıneleý bolyp tabylady.
«Jyraý» atty týyndysynda Almatov Almasbek Nurmahanulyn beıneledi. Ol ataqty jyraý, oqytýshy, folklor zertteýshisi, ǵalym, professor. Dıplomdyq jumysyn oryndaý barysynda Almatov Almasbekpen jıi kezdesip, nobaılar salyp, izdenis jumystary júrgizildi. Jyraýlardyń roli týraly kitaptar oqylyp, kompozıııalar sheshimi boıynsha jumys jasaldy.
Avtor «Quraq kórpe» jumysynda otbasynyń qurylýyn jáne ulttyq dástúrdiń jalǵasýynyń mańyzdylyǵyn kórsetedi. Ár otbasy múshesi quraqtyń bir bólshegi tárizdi, mata qıyndylaryn biriktirgende kórpe quralǵandaı, otbasynyń músheleri jınalǵanda dáýlet qurylady. Qazirgi zamanǵa sáıkes ıntererde jas kelinshektiń quraq qurý jumysymen aınalysyp otyrǵany, zaman ózgerse de dástúrdiń saqtalýy mańyzdy ekenin jetkizýge tyrysady. «Ana kórgen ton pishedi» dep maqalda aıtylǵandaı, otbasynyń úlkenderi óz is-áreketterimen jas urpaqqa ónege kórsetedi. Dástúr men yrym-saltyn saqtalýy – tártipti qamtamasyz etedi. Óıtkeni, qazaqtardyń dástúrlerinde jasy úlkenderdi syılaý, kishige qamqor, qonaqjaılylyq, ata-babalardyń ósıetin jáne rýhyn qurmetteý sekildi úlken uǵymdar saqtalǵan. Bul uǵymdar otbasynyń tiregi myqty bolyp qurylyp, ári qaraıta damýyna áser etedi.
«Kútý sáti» atty dıplomdyq jumys. Vokzal árdaıym bireýdi kútip alý nemese shyǵaryp salýmen baılanysty bolady. Avtor jıi jol júretin bolǵandyqtan, oqýǵa shyǵaryp salyp jatqan jaqyndaryn vokzalda beınelegisi kelgen.
«Saıahatshy» atty dıplomdyq jumys. Avtordyń oıynsha naǵyz saıahatshylar jolǵa jaıaý attanady. Olar úshin eń kúrdeli jol aımaqtary men taý qyrattary, óz kúshindi synap kórý sekildi synaqtan ótý tájirıbeler. Stýdent oıyn jaqsy jetkize bildi dep oılaımyn, jumysqa qaraǵanda birden kóz aldymyzǵa kóp júrip, el kezgen djıhangezdiń beınesi týyndaıdy.
QazUÓÝ-niń mektep oqýshylaryn jáne kórkemsýret mektep túlekterin sýly boıaýmen beıneleýdi úıretip daıyndaıtyn Mahanbetjanova G.M. Mektep oqýshylarynyń keremet sýly boıaý tásilimen beınelengen týyndylar kórmede erekshe oryn aldy.
2015 jyly QazUÓÝ-niń kolledjinde «Stanokty grafıka» mamandyǵy ashyldy. Stýdentterdi kitaptarǵa arnalǵan ıllıýstraııalardy lınegravıýra tásilinde salýdy úıretedi. Qazir bul mamandyq boıynsha: Amanbaev Manat, Tabysbek Tolqyn stýdentterdi daıyndap júr.
Fotosýrette Amanbaev Manat Sagyndykovıch 2-kýrs stýdenti Botabaevaǵa Naırımge stanokpen qoldanýdy túsindirip tur.
Grafıka mamandyǵynda oqıtyn: Qonqaspaı M., Daýrenbekov T., Botabaeva N., Bogomolov A. stýdentterdiń jumystary kórmege qoıyldy.
