- Men pavılonǵa qoıylǵan qazaqstandyq kınotýyndylardan erekshe áser aldym. Ásirese qarııa men jetim bala týraly baıandaıtyn «Arýaq» fılmin atap ótkim keledi. Qazir biz qazaq áriptesterimizben atalmysh fılmniń Italııadaǵy dıstrıbýtııasy jóninde kelissózder júrgizip jatyrmyz, - dedi ıtalııalyq kınoprodıýser Flavıo Donını.
Rejısser Qýat Ahmetovtyń «Arýaq» fılmi taǵdyrdyń jazýmen ushyrasqan qart Aǵataı men jetim bala týraly baıandaıdy.
- Ideıa avtory Asanáli Áshimov. Ol 2014 jyly maǵan elden shalǵaı turatyn jalǵyz basty qart týraly fılm túsirýdi usyndy. Asanáli aǵanyń oıy boıynsha qarııa – dala fılosofy, túrli ǵylymǵa qyzyǵatyn adam, - dedi fılmniń rejısseri Qýat Ahmetov.
Fılm byltyr óndiriske jiberilip, bıyl kóktemde aıaqtalǵan bolatyn. Túsirilimder Almaty oblysynda, Ile ózeni jaǵalaýynda ótken. Fılmniń senarııin túrki elderiniń ertegileri men ańyz-áńgimeleri jelisi boıynsha Qýat Ahmetov pen Odılsha Agıshev jazyp shyqqan.
QR Mádenıet jáne sport mınıstrliginiń qoldaýymen osymen ekinshi ret ashylyp otyrǵan Kann kınofestıvalindegi Qazaqstannyń ulttyq pavılony otandyq fılmderdi nasıhattaýǵa ońtaıly alań bolyp tabylady.
Bıyl pavılondaǵy tanystyrylymda «Qazaqfılm» kınostýdııasy túsirgen Djeff Vespanyń «Ámire», Bolat Qalymbetovtyń «Talan» jáne basqa da jobalary prezentaııalanǵan.
«Arýaq» fılmi jaıly: Aǵataı esimdi qarttyń eshkimi joq. Súıgen jary qaıtys bolǵan. Aralarynda balalary bolmaǵan. Aǵaıyn-týysqandary da qalmaǵan. Fılmge óz ortasynan bezip, dalaǵa baryp turýdy kózdegen qart kisiniń ómiri arqaý bolǵan. Áıtse de danagóı, pálsapashynyń jolynda balalar úıinen qashyp shyqqan Bóbek degen kishkentaı, elgezek bala kezigip, onyń bastapqy josparyn buzyp ketedi.
Óndirisi: Sh.Aımanov atyndaǵy «Qazaqfılm» AQ
Uzaqtyǵy: 90 mınýt
Janry: drama
Senarıı avtorlary: Qýat Ahmetov, Odılsha Agıshev
Qoıýshy rejısseri: Qýat Ahmetov
Qoıýshy operatory: Murat Nuǵmanov
Qoıýshy sýretshisi: Iýlııa Levıkaıa
Kompozıtory: Aısha Orazbaeva
Prodıýseri: Erjan Ahmetov
Akterler: Asanáli Áshimov, Nurmuhammed Asqar, Jasulan Kópbergenov, Nurjan Ábýbákir, Gúlnár Dusmatova, Azat Seıtmetov.