Kınotýyndy zapastaǵy polkovnık, Aýǵan soǵysy ardageri, Chernobl AES apaty zardabyn joıý jumystaryna belsene qatysqan, «Legıon» áskerı-patrıottyq klýbynyń negizin qalaýshy ári jetekshisi Batýr Abdýsalamovtyń ómiri men qyzmeti týraly baıandaıdy. Rejısseri – Aınur Ahmetjanova.
XIV Halyqaralyq derekti fılmderge arnalǵan «Pobedılı vmeste» kınofestıvaliniń Bas júldesi Marta Prýs esimdi polshalyq rejısserdiń «Za granıý vozmojnogo» fılmine buıyrdy. «Eń úzdik qysqa metrajdy derekti fılm» júldesine reseılik Pavel Fattahýtdınovtyń «Pısma s voıny» fılmi qol jetkizse, «Úzdik derekti fılm» júldesin armıan rejısseri Armen Hachatrıannyń «Poslednee jelanıe» kartınasy jeńip aldy.
Bıyl festıvalǵa 30 elden 100-den astam derekti fılmder men serıaldar usynyldy. Festıval barysynda negizgi baıqaýmen qatar, shyǵarmashylyq keshter, fılmderdiń kórsetilimi jáne basqa da is-sharalardan quralǵan konkýrstan tys baǵdarlamalar júrgizildi.
Atalǵan festıval Ekinshi dúnıejúzi soǵysyna qatysqan qalalardyń qurmetine Qyrymda turatyn Keńes Odaǵy batyrlarynyń usynystary boıynsha ashylǵan. Festıvaldiń basty maqsaty – Eýrazııa keńistiginde, sonymen qatar basqa da elderdiń kınokompanııalary men telearnalary jaryqqa shyǵarǵan ózekti máselelerge arnalǵan derekti fılmderdi bir shańyraq astyna jınap, olardy tanystyrý. Festıvaldiń prezıdenti, Reseıdiń halyq artısi Vladımır Menshov.
«Paany zovýt ego Batıa»
Qoıýshy rejısseri, senarıı avtory: Aınur Ahmetjanova
Qoıýshy operatory: Talǵat Bektursynov
Dybys rejısseri: Álibek Baıtanaev
Dybys operatory: Aleksandr Vlaznev
Montaj rejısseri: Sergeı Vılkovıskıı
Ákimshi: Raýshan Beshimbaeva
Dırektory: Álfııa Tólegenova
Rejısser týraly anyqtama: Ahmetjanova Aınur 1987 jyly 15 tamyzda Almaty oblysy Jambyl aýdany Qarakastek aýylynda dúnıege keldi. 2005 jyly T.Júrgenov atyndaǵy Qazaq Ulttyq óner akademııasynyń «Kıno jáne TV» fakýltetine oqýǵa túsedi («Rejıssýra jáne prodıýsserlik óner» mamandyǵy boıynsha). 2010 jyly oqýdy qyzyl dıplommen bitirgen jas rejısser sol bilim ordasynyń magıstratýrasyna oqýǵa túsedi («Derekti kıno rejısseri» mamandyǵy boıynsha, «Qazaqstanda derekti fılmderdiń prodıýsserleý problemalary» taqyrybynda dıssertaııa qorǵaǵan). 2011 jyly S.A.Gerasımov atyndaǵy Búkilreseılik Memlekettik kınematografııa Ýnıversıtetinde qysqa kýrstaryna qatysqan. 2013 jyldan beri Aınur Ahmetjanova T.Júrgenov atyndaǵy Qazaq Ulttyq óner akademııasynda qyzmet jasaıdy.
FılmografııaSY. Derekti fılmder: «Oljas», «Men anasha shegemin, «Nıkto krome nas», «Ult janashyry» (Sultan Orazaly), «Tumarsha Aıtımova», «Balalaryma ósıet», «Sary» (Sary Aıtımov), «Tileýles», «Paany zovýt ego Batıa».