Jańalyqtar
«Men oraldym» fılmi Halyqaralyq Kınomektepter baıqaýynda úzdik atandy
Sevastopol qalasynda ótken XIV Halyqaralyq «Birge jeńdik» derekti fılmder men telebaǵdarlamalar festıvali óz máresine jetti. Qazaqstandyq Jaıyq Belqojaevtyń «Men oraldym» fılmi Halyqaralyq Kınomektepter baıqaýynda «Telefılmniń úzdik rejıssýrasy úshin» júldesin ıelendi.
Jaıyq Belqojaevtyń «Men oraldym» kartınasy Jarkent qalasynyń mańynda turatyn oralman jaıly baıandaıdy. Er azamat qıyndyqtarǵa qaramastan, kishigirim kásip ashady. Buryn taspa TMD elderi «Úmit» jastar kınosynyń V forýmynda jáne II Respýblıkalyq «Baıqońyr» qysqametrajdy kınofestıvalinde «Úzdik derekti fılm»atalymynda jeńiske jetken bolatyn.
