Memleket kóleminde toılanyp jatqan mereıtoı, T.Júrgenov atyndaǵy Qazaq Ulttyq óner akademııasynyń nazarynan tys qalǵan joq. Tikeleı Asanáli Áshimovtiń qatysýymen túrli is-shara, konferenııa ótti. Akademııa rektory B.Nurǵalıqyzy, Teatr óneri fakýltetiniń dekany A.Bekenuly, ónerdegi úzeńgiles áriptesteri E.Obaev, Á.Rahımov, J.Erman, P.Momynov jáne t.b. qazaq maıtalmandary óz júrekjardy tilekterin aıtyp, alǵystaryn jaýdyryp, yqylas nıetterin bildirip jatty. Merekelik kezdesý ulaǵatty ustazdyń sheberhanasynda óz jalǵasyn tapty.

Keshte Asanáli Áshimovtiń qazirgi tańdaǵy shákirtteri «Aılaker jesir» spektaklinen úzindi kórsetip halyq yqylasyna bólendi. Bul qoıylymnyń rejısseri Asanáli Áshimovtiń ózi eken. Bir úıdiń balasyndaı judyryqtaı jumylǵan shákirtteri «Ań patshasy – arystan» atty áli sııasy keppegen týyndylaryn akademııanyń oqý teatrynda kórermenge usyndy. Zalda ıne shanshyr oryn bolǵan joq. Halyq dán rıza, ustaz qýanýda, ne degenmende torqaly 80 jas. Al, shákirtteri úshin onyń qolynan ustap, sahnaǵa shyǵarý qandaı baqyt... Asanáli Áshimovtiń kózine jas keldi.

Osy jasqa jetkende armanda, jetpegende armanda. Akademııa foesindegi korıfeı akterimizdiń túrli rólderin beınelegen portretter galereıasy kóńilge qýanyshty kóńil ornatady. Elimizde osyndaı teatr sańlaqtary men kıno maıtalmandary kóp bolǵaı...