“Iran”spektakli – tek teatr qoıylymy emes, ol adamzattyń ishki álemindegi kúrdeli suraqtarǵa jaýap izdeıtin fılosofııalyq saıahat ispettes. Bul qoıylymda árbir keıipkerdiń sózi men únsizdigi, qozǵalysy men tynyshtyǵy bir-birimen baılanysyp , kórermendi tereń oıǵa batyrady.
Spektakldiń basty taqyryby – adam men qoǵam arasyndaǵy qatynas, din men erkindik, shyndyq pen jalǵandyqtyń shekarasynda jatyr. Eýropa elderiniń joǵary ókilderi, bilikti ǵalym, dintanýshy, saıasatker, jýrnalıstteri men ırandyq áıel Iran jáne Taý Shyǵys elderinde oryn alyp jatqan málimdemelerin Eýropanyń qaq tórinde – Danııada jarııa etedi. Jer sharynyń kóptegen bóligine batys demokratııasynyń saı emestigi, bilim men aqparat alý aıyrmashylyǵy, adam kuqyǵy, shynaıy erkindik, erkindikti shekteýshi erkindik, baqyt kupııasy, sýııd, tulǵa uǵymy, álemdegi túrli qısynsyz reıtıńter, shyndyq syndy Taıaý Shyǵystaǵy adam quqyqtarynyń taptalýy taqyryptary konferenııada basty nazarǵa alynady.
Qudaı uǵymy jáne aıtylǵan aqparat qansha jerden ay estilgenimen, ózin joǵary sanat sanaıtyn jıynǵa qatysqan spıkerler, tyńdarmandar sanasynda koǵamǵa paıda keltirip otyrmyz degen jalǵan oıdy beredi. Árıne, ár tulǵanyń oıy ár túrli jáne belgili bir qalypqa sala almaımyz. Ómirde de dál solaı, tek kózqarasymyzdy bildire alamyz, durys-burysyn ózimiz sheshemiz. Ol biraq qaı baǵyt? Sol jaǵy mańyzdyraq. Rejısserdiń sheber sheshimin osy tusta ańǵarýǵa bolady. Árbir keıipker óz kózqarasyn bildirgende, onyń sózi tek jeke pikir ǵana emes, búkil qoǵamnyń únsizdigi men shý arasyndaǵy teńgerim izdeıtin izdenis bolyp tabylady.
Qoıylymnyń rejısseri Ásel Murat jáne shyǵarmashylyq top árbir róldi aıqyn zerttep, óz keıipkerleriniń ishki álemin ashýǵa tyrysty. Olardyń árbir qozǵalysy, tynysy, qadamy, sahnadaǵy sáti kórermenge erekshe áser qaldyrady. Bul spektakl tek Iran týraly emes, ol búkil álemdegi adamzattyń qazirgi jaǵdaıy týraly oılanýǵa shaqyrady. Árbir kórermen ózine qajetti jaýapty osy qoıylymnan tabatyny sózsiz, sebebi, ol adamzattyń ózine degen izdegen suraqtary men kótergen máselesin, sheshe almaǵan tusyn naqtylaıtyn sahnadaǵy kórinisi.