4 shilde kúni Astana qalasyndaǵy «Chaplin Khan Shatyr» kınoteatrynda «Eýrazııa júreginde» baǵdarlamasy boıynsha tolyq metrajdy «Muzbalaq» anımaııalyq fılminiń tusaý keser kórsetilimi boldy. Fılm QR mádenıet jáne sport Mınıstrliginiń tapsyrysymen Sh.Aımanov atyndaǵy «Qazaqfılm» kınostýdııasynda túsirilgen. Rejısserleri – Tilek Tóleýǵazy men Turdybek Maıdan.
Kórermenderdiń qyzyǵýshylyǵyn týdyrǵan bul fılm negizinde búrkittiń adamǵa jaqyndyǵy men qus pen adamnyń bir-birine degen seniminen týǵan dostyq baıany jatyr. Fılmde qazaqtyń ejelgi búrkitshilik mádenıeti ashylady.
«Eýrazııa» festıvaliniń ártúrli baǵdarlamasy boıynsha Qazaq ulttyq óner ýnıversıtetinde Bertolýchchı fılmderiniń áıgili montajeri, rejısser jáne senarıst Gabrıella Krıstıanımen kezdesý ótti. Zal lyq toly bolyp, Krıstıanı tarapynan óte jaıly ári dostyq jaǵdaı ornady. Ol óz salasyna qarym-qatynasyn aıta kelip, birneshe qarapaıym, biraq óte mańyzdy keńesterdi aıtty:
«Montajdaýdy oqý múmkindigi joq bolǵandyqtan, men sizderge fılmderdi kóp kórip, olardyń montaj stıline nazar aýdaryp, ony ózderińiz meńgerińizder dep keńes beremin. Bir kórinisti montajdaý kezinde ishki jan dúnıeńiz ben júregińizge qulaq túrińiz. Materıaldy kórý barysynda rejısserdi túsinip, óz sezimińizge de mán berip, aqyryndap kórinisti aınaldyryp, barlyǵyn qaıta sezine bilý kerek».
Budan keıin ataqty kınooperator Hıro Narıta stýdenttermen jáne óz shyǵarmashylyǵynyń tabynýshylarymen kezdesti. Kezdesý barysynda Narıta operatorlyq sheberliktiń kózge kórine bermeıtin qyrlarymen, óziniń shyǵarmashylyq joly týraly baıandap berdi:
Men sizderdeı óner ýnıversıtetiniń stýdenti bolyp júrgende ózimniń bolashaqta nemen aınalysatynymdy túsinbeıtinmin. Meniń grafıkalyq dızaın fakýltetine túskim keldi jáne men ony tabysty aıaqtap shyqtym. Dıplomymda «grafıkalyq dızaın» dep jazylǵan. Sodan soń meni oılamaǵan jerden áskerge shaqyrdy. Áskerde úsh jyl boldym. Bul úsh jylda men múldem ózge adamǵa aınaldym. Men dál sol kezde kınomen aınalysqym keletindigin túsindim. Meniń operator bolǵym keldi. Kelesi on jylda men kıno operatory degen ataqqa ıe bolý úshin aıanbaı jumys istedim. Bastapqyda aqsha úshin jumys istedim. Birde áldebir jan kelip: «Múmkin sen maǵan kıno túsirip berersiń!» - dedi. Men kıno týraly kóp bilmesem de kelisimimdi berlim. Osylaısha men operatorlyq ómirdi bastaǵan edim. Kezdeısoq, biraq ómirlik kásibim. Meniń túsirgen alǵashqy fılmim eshteńe bolmady, oǵan qarajat ta az ketti. Biraq men osy alǵashqy sátsizdikten kóp nárse úırendim. Quddy bir osy jolda qaıta stýdent bolǵandaı kúı keshtim. Kak býdto snova stal stýdentom na etot perıod. Bul meniń maman retinde qalyptasý jolymda baǵa jetpes tájirıbe boldy».
Narıta rejısser men operatordyń tandemi jaıly da aıtty:
«Eń áýeli operator rejısserdiń ne qalaıtynyn túsinýi kerek. Onyń shart qoıýǵa quqyǵy joq, ol qoıýshy rejısserdiń qalaýynan dál túsýi tıis. Men óz ıdeıalarymdy tyqpalamaýym kerek. Iaǵnı rejısserdiń ıdeıasy meniń kómegimmen ónýi kerek».
XIV «Eýrazııa» HKF-nde konkýrstyq fılmderdi túsirýshilermen qyzyqty kezdesýler, press-konferenııalar, «Eurasia Meetings» ótkizilýde. Kúndelikti tańǵy saǵat 9:00-den «MegaSilkWay» jáne «Han Shatyr» SOO-daǵy «ChaplinCinemas» kınoteatrlar jelisinde festıval fılmderiniń kórsetilimi jalǵasýda.
