Kınofestıvalge «Sezar» júldesiniń ıegeri, franııalyq akter Vensan Kassel, 71 Kann kınofestıvalinde «Aıka» fılmindegi basty róli úshin úzdik aktrısa ataǵyn alǵan Samal Eslıamova, serb kınorejısseri jəne akteri Emır Kýstýrıa, B.Bertolýchchıdiń «Sońǵy ımperator» fılminiń montajy úshin «Oskar» júldesin ıelengen, rejısser-montajer Gabrıella Krıstıanı, tanymal franııalyq aktrısa jáne model Lea Seıdý jəne kóptegen basqa da kınogerler qatysady. Sondaı-aq, otandyq kıno juldyzdar, «A» sanatyndaǵy halyqaralyq kınofestıvalderdiń jetekshileri, kınoındýstrııa salasynyń ekspertteri men synshylary, tanymal zııaly qaýym ókilderi, otandyq jəne sheteldik BAQ, blogerler boı kórsetedi.
Kınofestıval sheńberinde MegaSilkWay men «Han Shatyr» SOO-taryndaǵy «Chaplin» kınoteatrlar jelisinde konkýrstyq jəne baıqaýdan tys qatysyp otyrǵan fılmderdiń tegin kórsetilimderi, otandyq jəne əlemdik kıno juldyzdarynyń qatysýymen ashylý jəne jabylý saltanaty ótedi.
Kınofestıvaldiń negizgi konkýrstyq baǵdarlamasy kelesideı:
2017-2018 jj. jaryqqa shyqqan tolyqmetrli kórkem fılmderdiń halyqarylyq baıqaýy (500-den astam ótinim kelgen); qysqametrli kınolardyń halyqaralyq baıqaýy (30-ǵa jýyq fılm, 600-den astam kelip túsken ótinimnen).
Konkýrstan tys baǵdarlama boıynsha: «Kerýen» - Ortalyq Azııadaǵy túrki tildi kıno jáne fılmderdiń panoramasy, «Eýrazııa júreginde» - 2017-2018 jj. úzdik qazaqstandyq fılmder, halyqaralyq kınofestıvalderdiń laýreattary atanǵan fılmderdiń əlemdik panoramasy «Əlem nazarynda» baǵdarlamasy, «Obektıv» – álemdik derekti fılmderdiń baǵdarlamasy, sonymen qatar «Erekshe oqıǵa» baǵdarlamasy, «FIPRESSI jáne NETPAK» álemdik júldegerlerdiń kórsetilimi, «Shyǵys-Batys» HKF fılmderiniń retrospektıvti kórsetilimi.
«Eýrazııa» HKF-niń ádil qazylar alqasynyń quramynda álemdik kınoındýstrııanyń bedeldi ókilderi: túrik rejısseri, senarıst, prodıýser, Berlın kınofestıvaliniń Altyn aıý júldesiniń ıegeri Semıh Kaplanoglý; Klermon Ferrandaǵy qysqametrli fılmderdiń eń beldi kınofestıvaliniń negizin qalaýshy Djordj Býllon; rejısser, senarıst, Kann HKF-niń ádil qazylar alqasy júldesiniń, Berlın HKF-niń eki Kúmis aıý júldesiniń, Tallın MKF-niń Gran-prı ıegeri Van Sıaoshýaı; qazaqstandyq kınorejısser, senarıst, jazýshy Ermek Tursynov; áıgili serb jáne reseılik akter, «Muz», «Dýhless 2», «Eleon qonaq úıi» fılmderiniń juldyzy Mılosh Bıkovıch.
«Eýrazııa» HKF aıasynda ekinshi jyl qatarynan kınoprokatshylar, dıstrıbýtorlar, seılz kompanııalar, halyqaralyq kınofestıvalderdiń ókilderi men otandyq jəne sheteldik prodakshn kompanııalarynyń qatysýymen Eurasia Film Market kınonaryǵy ótedi. Atalmysh bıznes alań qatysýshylarynyń nazaryna sheteldik stýdııalar dıstrıbýtorlary NationalShowcase prezentaııalaryn jasaıdy. Atap aıtar bolsaq: Ortalyq Azııa, Grýzııa, Armenııa, Mońǵolııa, Reseı, Ýkraına, Parsy buǵazy elderi, Qytaı, AQSh, Ońtústik Koreıa jəne Úndistan syndy elder qatysady. Eýrazııalyq jobalar naryǵy senarıı stadııasynda turǵan kıno jobalar naryǵyn, dóńgelek ústelder, baspasóz-konferenııalaryn, sheberlik sabaqtaryn jəne arnaıy is-sharalardy usynady.
XIV Halyqaralyq «Eýrazııa» kınofestıvali QR Mədenıet jəne sport mınıstrliginiń tapsyrysy boıynsha «Eýrazııa-Astana halyqaralyq kınofestıvali Dırekııasy» qoǵamdyq birlestigimen uıymdastyrylyp otyr.
Kınofestıvaldiń bas aqparattyq seriktesi – «Habar" agenttigi.
«Eýrazııa" kınofestıvali prodıýserler qaýymdastyǵy halyqaralyq federaııasynyń akkredıtaııasynan ótken, Ortalyq Azııadaǵy eń iri kınofestıval. 2012 jyly «Internationalfilmguide» (Ulybrıtanııa) basylymy əlemdegi aıtýly 35 kınofestıval qataryna engizgen.
Alǵash «Eýrazııa» kınofestıvali 1998 jyly Almaty qalasynda quryldy. 20 jyldyq tarıhynda bul festıval Ortalyq Azııadaǵy aıtýly mádenı oqıǵaǵa aınaldy.
«Eýrazııa» halyqaralyq kınofestıvaliniń quryltaıshysy Qazaqstan Respýblıkasy mádenıet jáne sport mınıstrligi.
«Eýrazııa» kınofestıvali óner adamdaryn biriktiretin aıtýly oqıǵa ǵana emes, Qazaqstannyń ekonomıkalyq, saıası, əleýmettik damýyna ózindik úles qosatyn jəne til ereksheligine qaramastan túrli mədenıetter ortasynda dıalog ornatyp, ózge memleketter men rýhanı baınalys nyǵaıtatyn kınoforým. «Eýrazııa" HKF – ulttyq jəne jalpyadamzattyq qundylyqtardyń nyǵaıýyna jumys isteıtin mədenı shara.
Festıvaldi ótkizýdegi basty maqsat – Qazaqstan kınosyn óner jəne ındýstrııa retinde damytý, kópshilik qaýymnyń kınematografııalyq ónerge degen qyzyǵýshylyǵyn arttyrý, halyqaralyq yntymaqtastyqty nyǵaıtý.
