Talǵat Polatov Qurmanǵazy atyndaǵy Qazaq Ulttyq konservatorııasyn professor A.M. Gaısınniń klasy boıynsha aıaqtady. Respýblıkalyq jáne halyqaralyq konkýrstardyń laýreaty. Kóp jyldar boıy Qurmanǵazy atyndaǵy Memlekettik akademııalyq qazaq halyq aspaptary orkestrinde «Syrnaı» tobynyń konertmeıstri bolyp eńbek etti. Osy orkestr quramynda Qazaqstan, Reseı, AQSh, Franııa, Germanııa, Qytaı jáne t.b. elderdiń qalalaryndaǵy Kennedy Center (Vashıngton, SShA), «Karnegı holl» (Nıý-Iork, SShA), «Konerthaýs» ( Vena, Avstrııa), «Staats Oper unter den Linden» (Berlın, Germanııa) syndy álemge áıgili basqa da kóptegen konert zaldarynda gastroldik týrlarda konert qoıdy. Osy ujymdaǵy kóp jyldyq jáne jemisti eńbegi úshin QR Prezıdentiniń Qurmet gramotasymen marapattaldy.
Akkordeon – kóptegen elderde halyq aspaby bolyp esepteledi. Ony Germanııa, Franııa, Serbııa jáne Balqan túbegi elderinde tól aspabymyz dep qaraıdy. Al Reseıde bul aspapty olardyń jaqsy kóretini sonsha, oǵan aty ańyzǵa aınalǵan orystyń Baıan jyrshysynyń atyn bergen. Muhıttyń arǵy betindegi AQSh-ta akkordeon keńinen taraǵan. Jáne bul elde tutastaı tek akkordeonǵa ǵana arnalǵan birneshe mýzeı bar. Argentınada akkordeonmen uqsastyǵy kóp bandeon aspabynsyz birde-bir halyqtyq konert ótpeıdi, Latyn Amerıkasynda paıda bolyp, álemdik qurmetke ıe bolǵan tango janry osynaý nazdy da jyly ári qońyr áýezdi tembrmen baılanystyrylady.
Á. Qasteev atyndaǵy mýzeıdegi konertte akkordeon jańasha, tosyn áýezde ún qatady – eliktirip, elitip, sezim tolqynyn týdyrady. Baǵdarlama repertýary keń – Franııa men Latyn Amerıkasynyń áıgili áýenderi de, Ispanııanyń djaz standarttary men qyzba áýenderi de, Pıaollanyń tereń oıly shyǵarmalarymen birge onyń tango stılindegi shyǵarmalary da oryndalady.
Konertke Qurmanǵazy atyndaǵy Qazaq akademııalyq orkestriniń konertmeısterleri, qazaq halyq aspaptarynda oryndaýshylar Ásel Rahymjan (prıma-qobyz), Rıtta Orazǵalıeva (alt-qobyz) jáne Aıjan Atýsheva (vıolonchel) qatysady. Olardyń barlyǵy da – túrli respýblıkalyq jáne halyqaralyq deńgeıdegi konkýrstardyń laýreattary. Orkestrmen birge Eýropanyń, Azııa men Amerıkanyń kóptegen qalalarynda gastroldik saparda boldy. Talǵat Polatovpen birge olar Brams pen Djekınstiń jáne basqa da kompozıtorlardyń shyǵarmalaryn oryndaıdy.
Keshti júrshizýshiler – Á. Qasteev atyndaǵy mýzeıdiń baspasóz qyzmetiniń jetekshisi, joba jetekshisi Klara Isabaeva men respýblıkalyq jáne halyqaralyq konkýrstardyń laýreaty talǵat Polatov.
Anyqtama telefondary – 394-57-18, 8-775-371-48-20.
Bılettiń quny – 2500 teńge. Oǵan: 1) mýzeıdi aralaý – 17.00 den 18.00-ge deıin; 2) kofe-breık – 18.30-da; 3) konert – «Tango yrǵaǵymen» konerti – 19.00. kiredi.
Kýrator – Klara Isabaeva