2018 jyldyń 10-11 qazan kúnderi saǵat 19.00-de M.Gorkıı atyndaǵy memlekettik akademııalyq orys drama teatry sahnasynda (Jeltoqsan, 13) «Rýhanı janǵyrý» Memlekettik baǵdarlamasy aıasynda jáne 118-shi teatr maýsymynyń ashylýyna oraı M.Gorkııdiń «Poslednıe» pesasy negizinde sahnalanǵan «OTE» spektaklin usynamyz.
Teatrǵa Maksım Gorkıı esimi 1959 jyly berilgen jáne «Poslednıe» shyǵarmasy 1908 jyly jazylǵan bolatyn. Teatrdyń 110 jyldyq tarıhynda atalǵan shyǵarma úsh ret qoıylǵan: 1940 jyly, 1955 jyly jáne 1980 jyly. Búgingi tańda, shyǵarma teatrymyzda óziniń jańa qyrynan tańyldy jáne taqyryptyń aýqymdylyǵy men ózektiligi búgingi qoǵamǵa qundy.
Eýropa sahnasynyń ataqty maıtalmany Ionas Vaıtkýstyń sahnalaýyndaǵy 4 kóriniste oryndalatyn tragedııalyq balagan - búgingi tańdaǵy ózekti máselelerdiń biri, qazirgi zamanǵy qoǵamda jáne naqty adam ómirindegi otbasylyq ahýaldy kóteredi. Otbasylyq qundylyqtardyń quldyraý ǵasyrynda otbasy degen bizge, memleketke, adamzatqa ne jáne onyń taǵdyry qandaı? Otbasy degen –eki adamnyń odaǵy ǵana ma? Otbasy degen – adamnyń oıyn, sezimi men erkindigin sóndiretin, kúndelikti kúıbeleń tirshilik pe? Vaıtkýs Gorkııdiń tilimen, osyny aıshyqtaıdy «Balalar – bizdiń erteńgi tóreshi, bizdiń kózqarasymyz, isimizdiń synshysy, jańa ómir jolyn qalyptastyrýda uly ister jasaýǵa keletin jandar. Barlyq jasalǵan qylmystar, erikti jáne eriksiz, barlyq istegen qatelikter men jańylysýlar, aqymaqtyǵymyz - barlyǵyn óz sońymyzdan osy jaryq dúnıede qalatyn aýyrtpashylyq, - balalardyń jany men tánine artylady».
Qoıylym premerasy jarqyn rejısserlyq ádisterge, fálsapalyq tapqyrlyqqa toly bolady. Qoıylym orystyń uly jazýshysy, oıshyly Maksım Gorkııdiń 150 jyldyǵyna arnalady.