Kórme beıneleý jáne qoldanbaly óner bólimin dástúrli túrde qamtıdy. Jas sýretshilerdiń «Energııa. Jastyq shaq. Óner» atty baıqaýy Qazaqstan, Qyrǵyzstan, Túrkııa, Ýkraınanyń ár túrli aımaqtarynyń sheberleriniń san alýan baǵyttar men tehnıkalyq tásilderde oryndalǵan 60-astam týyndylaryn Á. Qasteev atyndaǵy QR MÓM kórme keńistiginde biriktirýge múmkindik beredi.
Baıqaýǵa qatysýǵa 80 astam sýretshi ótinish berdi, onyń 50-i irikteýden ótti. Jyl boıy olar bútin bir saýaldar shoǵyryna jaýap tabý úshin izdenedi. Zamanaýı sýretshiniń armany ne? Qazirgi zamanǵy áleýmettik máseleler jóninde ne oılaıdy? Qoǵamǵa qandaı úndeý tastaıdy?
Baıqaýdyń maqsaty – kórkemdik deńgeıi joǵary, mazmuny jaǵynan mańyzdy ári ózekti týyndylardy jaryqqa shyǵarý. Sondaı-aq, Qazaqstannyń zamanaýı ónerin jáne onyń álemdik kórkemdik keńistikke ıntegraııalanýyna qoldaý kórsetý. Baıqaý men kórme beıneleý ónerine qyzyǵýshylyq tanytatyn aýdıtorııanyń nazarynan tys qalmaı, jańa esimderdi ashyp, jastardyń shyǵarmashylyǵyna dem berip, elimizdiń beıneleý óneriniń jas sheberleriniń kásibı kórkemdik deńgeıin kóteretini sózsiz. Baıqaýdyń qazylar alqasynyń quramyna Respýblıkanyń óner men mádenıet salasyndaǵy jetekshi qaıratkerleri endi.
JasSTAR festıvaliniń qonaqtary baıqaý jeńimpazdarymen 19 qazan kúni kórmeniń ashylýynda, al jas sýretshilerdiń shyǵarmalarymen kez-kelgen ýaqytta, Á. Qasteev atyndaǵy QR Memlekettik óner mýzeıine kelý arqyly tanysa alady. Kórme 27 qarashaǵa deıin jalǵasady.
