QR Mádenıet jáne sport mınıstrliginiń qoldaýymen, 2018 jyldyń 07/16/23/30 qarasha kúnderi Jambyl atyndaǵy Qazaq memlekettik fılarmonııasynda Qazaqstan Respýblıkasynyń memlekettik akademııalyq sımfonııalyq orkestriniń (QR MASO) qatysýymen, kórnekti dırıjer, Qazaqstannyń Halyq artısi, memlekettik syılyqtyń laýreaty, professor - Tólepbergen Ábdirashevtiń 70 jas mereıtoıyna arnalǵan halyqaralyq klassıkalyq mýzyka festıvali ótedi.
Tólepbergen Ábdirashev (1948-2007jj.) – Almaty konservatorııasynyń «Halyq aspaptary orkestriniń dırıjery» mamandyǵyn jáne Máskeýdiń Chaıkovskıı atyndaǵy konservatorııasynyń «Dırıjerlyq klasyn» bitirgen. N.Tilendıev atyndaǵy akademııalyq folklorly-etnografııalyq «Otyrar sazy» orkestriniń, Qazaq opera jáne balet teatrynyń, Qurmanǵazy atyndaǵy Qazaq memlekettik akademııalyq halyq aspaptar orkestriniń, 1979-1982 jyldary Qazaqstannyń memlekettik akademııalyq sımfonııalyq orkestriniń kórkemdik jetekshisi ári bas dırıjery boldy.
1977 jyly Batys Berlınde ótken «Gerbert fon Karaıan qory» halyqaralyq dırıjerler konkýrsynda qurmet dıplomyn alǵan. Búkilodaqtyq «Lenın komsomoly» syılyǵynyń laýreaty, QazaqSSR «Eńbek sińirgen qaıratkeri», Qazaqstannyń Halyq artısi, memlekettik syılyqtyń ıegeri, Jańaqorǵannyń «XX ǵasyr adamy» atanǵan. Ol kóptegen talantty jastardy tárbıelegen. Oqýshylary arasynda Q.Ahmetov, J.Jýmabekov, A.Býrıbaev, A.Abdınýrov, E.Ahmedıarov, A.Ýrazgalıev, E.Nýrtazın, K.Omarov sııaqty ataqty dırıjerlar bar. Maestronyń kásibı sheberligin álemniń kóptegen elderinde moıyndaǵan. AQSh, Anglııa, Germanııa, Koreıa, Túrkııa jáne basqa da elderdiń sımfonııalyq orkestrlerimen óner kórsetken.
Áriptes-dosyn, ustaz-tálimgerin eske alý úshin álemge áıgili kásibı akademııalyq mýzykanttar, daryndy tulǵalar keledi dep kútilýde. Qazirgi tańda QR MASO ujymyn basqaratyn Tólepbergen Ábdirashevtiń oqýshylarynyń biri – Qanat Omarov: «Bul festıval maestronyń shyǵarmashylyq jáne aǵartýshylyq eńbegine tartý bolmaq. Bethovennyń, Bramstyń, Shopennyń, Malerdiń, Rahmanınovtyń jáne Shostakovıchtyń shyǵarmalarynyń basyn qosatyn konerttik baǵdarlama usynamyz. Kópshiliktiń kóńilinen shyǵatynyna senemin.», - dedi.
Festıvalǵa álemdik deńgeıdegi dırıjerlar men oryndaýshylar qatysady:
- Mıhaıl Iýrovskıı – Berlın radıosynyń sımfonııalyq orkestiriniń shaqyrylǵan dırıjery. 2003 jyldan bastap avstrııalyq Tonkıýnstler orkestriniń shaqyrylǵan bas dırıjery. La Skala jáne Parıj operasymen, Gevandhaýs orkestrimen, Drezden memlekettik kapellasymen birge qyzmet etken.
- Mýrad Annamamedov – Iaroslav akademııalyq sımfonııalyq orkestriniń kórkemdik jetekshisi jáne bas dırıjery, RKFSR eńbek sińirgen óner qyzmetkeri, Reseıdiń Halyq artısi, L.Sobınov, I.Arhıpova syılyqtarynyń laýreaty.
- Mıhaıl Voskresenskıı – Máskeý konservatorııasynyń fortepıano kafedrasynyń meńgerýshisi, Máskeý syılyǵynyń laýreaty (2011) jáne Japonııa «Kún shyǵys» ordeniniń kavaleri.
- Aıman Mýsahadjaeva – Ózbekstannyń eńbek sińirgen artısi, Qazaqstannyń Halyq artısi, memlekettik syılyǵynyń laýreaty, Qazaq ulttyq óner ýnıversıtetiniń rektory.
- Amır Tebenıhın – ataqty qazaqstandyq pıanıst, kóptegen halyqaralyq konkýrsynyń laýreaty. Qazaqstannyń eńbek sińirgen qaıratkeri. 2011 jyly Germanııanyń «Deutscher Pianistenpreis» konkýrsynda úzdik pıanıst bolyp tanylǵan.
- Qanat Omarov – Qurmanǵazy atyndaǵy Qazaq ulttyq konservatorııanyń túlegi. Qurmanǵazy atyndaǵy QUK sımfonııalyq orkestriniń dırıjery bolǵan. QR Memlekettik sımfonııalyq orkestrimen, Tynyq muhıty mýzykalyq festıvalinde ıýrıh kameralyq orkestrimen jumys jasaǵan. 2015 jyldan bastap QR MASO bas dırıjery.
Spıkerler:
- Jambyl atyndaǵy Qazaq memlekettik fılarmonııasynyń dırektory, QR eńbek sińirgen qaıratkeri - Dálel Zeıneshuly Ýáshev
2. QR MASO bas dırıjery - Qanat Omarov
3. QR eńbek sińirgen qaıratkeri, memlekettik úrmeli aspaptar orkestriniń bas dırıjery,Maestronyń shákirti - Qanat Ahmetov
4. Qurmanǵazy atyndaǵy QUK prorektory, QR mádenıet qaıratkeri, Maestronyń uly - Baqtııar Tólepbergen
