Jyl saıyn ótetin stýdenttik fılmder men kınomektepter basqosýy bıyl «Bastaý» halyqaralyq kınofestıvaliniń dırekııasy(TOO «Kınokompanııa Tanarıs Prodakshn»), Almaty qalasynyń ákimshiligi, T.Júrgenov atyndaǵy Qazaq Ulttyq óner Akademııasy, «Turan» ýnıversıteti jáne Sh.Aımanov atyndaǵy «Qazaqfılm» kınostýdııasynyń qoldaýymen ótkiziledi.
- Elbasy Nursultan Nazarbaev memlekettiń damýynda jastardyń alatyn ornynyń erekshe ekenin basa aıtady. Jaqynda ǵana jarııa etilgen joldaýynda Prezıdent 2019-shy jyldy jastar jyly dep belgiledi. Osyndaı kóregen saıasat elimizdiń berekeli bolashaǵynyń kepili,- dedi «Bastaý» kınofestıvaliniń prezıdenti Sergeı Ázimov. – Ulttyq kınematograftyń bolashaǵyn biz jas kınematografıstermen baılanystyramyz. Olar jyldan-jylǵa jańa ári erekshe týyndylarymen buny dáleldep berýde. Bizdiń jas festıvalimiz bıyl jetinshi ret ótip jatyr jáne stýdenttik kıno men kınobiliminiń ózekti máselelerin talqylaıtyn naǵyz kásibı ortaǵa aınaldy. «Bastaýdyń» baǵdarlamasy qysqametrdegi stýdenttik jumystardyń túrli janrdaǵy alańyna aınalǵan. Qysqametrli kórkem fılmderden bólek, konkýrsqa anımaııalyq jáne derekti fılmder de qatysady,- dep qosty.
Festıval prezıdenti Sergeı Ázimovtyń aıtýynsha, bıyl festıvalge, Qazaqstandy qosa alǵanda, 35 elden 320 usynym kelip túsken. Irikteý komıssııasyn basqaratyn otandyq rejısser Ádilhan Erjanov jáne kınotanýshy Inna Smaılova, rejısser Azat Hákimov jáne kınotanýshy Baýbek Nógerbek konkýrstyq baǵdarlamaǵa 47 fılmdi iriktep alǵan. Konkýrsqa Qazaqstannan, Reseıden, Izraılden, Túrkııadan, Germanııadan, Ispanııadan, Shveıarııadan, Koreıadan, Qyrǵyzstannan, Ózbekstannan, Tájikstannan, Belorýstan, Slovakııadan, Armenııadan, Saýd Arabııasynan, Portýgalııadan, Irannan, Grýzııadan, Sıngapýrdan, Ýkraınadan kınogerler qatysyp otyr.
Sonymen qatar, baspasóz otyrysynda VII «Bastaý» HKF halyqaralyq qazylar alqasynyń músheleri qatysty. Qazylar alqasyn grýzın kınorejısseri, senarıst, jazýshy, pedagog Iraklıı Kvırıkadze basqardy.
- Qıyndyqtarǵa qaramastan, festıvaldi uıymdastyryp, ótkizýdiń ózi úlken erlik. Bul festıval jas kınogerdiń qanatyn jaıýyna yqpal etedi. Osyndaı alańda óz týyndyńdy kórsetip, prız alý da mańyzdy, - dedi qazylar alqasynyń tóraǵasy Iraklıı Kvırıkadze.
HKF halyqaralyq qazylar alqasy qataryna: sovet jáne grýzın kınorejısseri, senarıst, jazýshy, pedagog Iraklıı Kvırıkadze (Qazylar alqasy tóraǵasy), montaj rejısseri Sılvan Kýtandın («Stalınge syılyq», «Baýyr», «Dala daýysy»), reseılik aktrısa Elvıra Bolgova («Egizder», «Meniń úlken armıan otbasym», «Annanyń sońǵy qurbany», «Ógeı qyz» jáne basqalar.), qyrǵyz kınorejısseri, senarıst jáne prodıýser Temirbek Birnazarov, sonymen qatar, otandyq tanymal rejısser ári qoıýshy sýretshi Sábıt Qurmanbekov. Negizgi jıýrıden bólek «Bastaýda» ádettegideı stýdenttik qazylar alqasy jumys isteıtin bolady. Bıyl onyń qataryna Ispanııanyń, Qazaqstannyń, Belorýssııanyń, Reseıdiń jáne Qyrǵyzstannyń kınogerleri enip otyr.
Aıta ketelik, bıyl festıvalge beldi qonaqtar keledi. Olar: Korea University of Media Arts ýnıversıteti, kınoóndiris fakýltetiniń dekany - Kim Hyeong Doo, «Mosfılm» kınostýdııasynyń dybysrejısseri Marına Nıgmatýllına, sonymen qatar, kınooperator, Karpenko-Karıı atyndaǵy ýnıversıtetiniń (Ýkraına) oqytýshysy Evgenıı Fılıppov.
Festıvaldiń qonaqtary men qazylar alqasy sheberlik saǵattaryn jáne shyǵarmashylyq kezdesýler ótkizedi. Kezdesýler barysynda kıno mamandyǵy týraly qyzyqtyratyn saýaldardy qoıyp, maǵlumat alýǵa múmkindik týady. Máselen, «Turan» Ýnıversıtetinde fılmdi festıvalge taratý jaıly reseılik úzdik FESTAGENT platformasynyń koordınatory Olga Bajenova sheberlik sabaǵyn ótkizedi. Lekııa taqyryby: «Fılmdi kınofestıvalge jyljytý: júıeli is-áreket». Sonymen qatar, T.Júrgenov atyndaǵy QazUÓA NurTV otandyq onlaın-kınoteatrynyń prezentaııasy ótedi. Stýdentterge vıdeo-portal jaıly tolyq aqparat beretin bolady. Atalǵan portaldan otandyq kontentti kórip, tutynýshylar óz vıdeo-jumystaryn sala alady.
Sondaı-aq, «Bastaý» festıvali aıasynda «Kınematograf, medıasfera jáne rýhanı jańǵyrýdaǵy aqparattyq qaterler» taqyryppen halyqaralyq ǵylymı-tájirıbelik konferenııa ótedi.
Konkýrstyq fılmderdiń kórsetilimderi Júrgenov atyndaǵy QazUÓA kınozaly men oqý teatrynda júretin bolady.
Festıvaldiń jumysy týraly aqparatty www.bastauiff.kz. saıtynan bile alasyzdar.