Merekelik kesh «Bastaý» kınofestıvaliniń prezıdenti Sergeı Azımovtyń alǵy sózimen bastaldy. Ol sahna tórine shyǵyp, festıvaldiń uıymdastyrýyna belsene aralasyp, qoldaý bildirgen demeýshiler, seriktester men festıval dostaryna alǵysyn aıtty. Ásirese festıval prezıdenti Almaty qalasynyń ákimi Baýyrjan Baıbekke, Qazaq ulttyq óner Akademııasy men «Turan» Ýnıversıtetiniń basshylyǵyna erekshe alǵysyn bildirdi.
Sondaı-aq sahnaǵa halyqaralyq qazylar alqasy shaqyryldy, olar: Grýzııa rejısseri Iraklıı Kvırıkadze, Resediń tanymal teatr jáne kıno aktrısasy Elvıra Bolgova, qazaqstandyq kınorejısser Sábıt Qurmanbekov, Germanııanyń montaj rejısseri Sılvan Kýtandın jáne qyrǵyz rejısseri Temirbek Birnazarov. Sonymen qatar, stýdenttik qazylar alqasy da sahna tórine shyǵyp, qatysýshylarǵa sáttilik tiledi.
-Biz, qazylar alqasy Almaty qalasyna arnaıy kelip, «Bastaý» kınofestıvaline qatysyp otyrǵanymyzǵa qýanyshtymyz. Shynymyzdy aıtsaq, fılmderdi kórýge óte asyǵyp otyrmyz. Bárimizge sáttilik tileımin, - dedi halyqaralyq qazylar alqasynyń tóraǵasy Iraklıı Kvırıkadze.
Konerttik baǵdarlamanyń sońynda sahnaǵa qaıta shyqqan halyqaralyq «Bastaý» kınofestıvaliniń prezıdenti Sergeı Ázimov resmı túrde jetinshi festıvaldi ashyq dep jarııalady.
Jyl saıyn ótetin stýdenttik fılmder men kınomektepter basqosýy bıyl «Bastaý» halyqaralyq kınofestıvaliniń dırekııasy(TOO «Kınokompanııa Tanarıs Prodakshn»), Almaty qalasynyń ákimshiligi, T.Júrgenov atyndaǵy Qazaq Ulttyq óner Akademııasy, «Turan» ýnıversıteti jáne Sh.Aımanov atyndaǵy «Qazaqfılm» kınostýdııasynyń qoldaýymen ótkiziledi.
Bıyl halyqaralyq baǵdarlamanyń irikteý komıssııasyna 300-den astam fılmder kelip tústi. Nátıjesinde halyqaralyq qazylar alqasy men stýdenttik qazylar alqasynyń nazaryna 22 elden barlyǵy 47 fılm usynyldy.
VII Halyqaralyq «Bastaý» kınofestıvaliniń jeńimpazdaryn 2018 jyly 8 qarasha kúni ótetin jabylý saltanatynda jarııalaıtyn bolady.
