Rejısser Emır Baıǵazınniń «Ózen» fılmi Lıssabon jáne Sıntra qalalarynda ótken kınofestıvalde Bas júlde aldy

Portýgalııanyń Lıssabon jáne Sıntra qalalarynda qarashanyń 16-y men 25-i aralyǵynda ótken 12-shi halyqaralyq LEFFEST kınofestıvaliniń jeńimpazdary anyqtaldy. Festıvaldiń «Úzdik fılm» júldesi qazaqstandyq rejısser Emır Baıǵazınniń «Ózen» fılmine  buıyrdy. Atalǵan kınotýyndy festıvaldiń negizgi konkýrsyna qatysyp, Eýropa, Azııa, Soltústik jáne Ońtústik Amerıka elderiniń fılmderimen úzdik atanýǵa talasty.
Rejısser Emır Baıǵazınniń «Ózen» fılmi Lıssabon jáne Sıntra qalalarynda ótken kınofestıvalde Bas júlde aldy

- Úzdik fılm úshin bas júldemen Emır Baıǵazınniń «Ózen» fılmi marapattalady. Erekshe mánerde túsirilgen tamasha fılm. Bul týyndy bizdi ózektiligimen, joǵary deńgeıimen birinshi kadrdan-aq tańqaldyrdy, - dedi sahna tórinen qazylar alqasynyń múshesi Marta Argerıh.

Aıta ketsek, qazylar alqasynyń quramyna ónerdiń túrli salalarynda jumys isteıtin qaıratkerler kirdi, olar: Ýolter Salıs jáne Djonatan Lıttel esimdi rejısserler, amerıkandyq aktrısa jáne ánshi Krısta Bell, argentınalyq pıanıst Marta Argerıh, dırıjer Sıtven Kovachevıch jáne sýretshi Djordj Kýeros.

Jalpy LEFFEST kınofestıvalinde bar joǵy úsh júlde – «Úzdik fılm» (kıno tilindegi eń ınnovaııalyq jáne kórkem túsirilgeni úshin), «Qazylar alqasynyń úlken júldesi» (kórkemdik jaǵynan erekshelengeni úshin) jáne «Arnaıy júlde» tabystalady. Aıta ketsek, Emır Baıǵazınniń «Aslannyń sabaqtary» fılmi 2013 jyly festıvaldiń «Qazylar alqasynyń úlken syılyǵy» júldesimen marapattalǵan bolatyn.

Sonymen qatar, festıvaldiń marapattaý rásiminde «Álemdik kınematografqa qosqan úlesi» júldesi otandyq rejısser Dárejan Ómirbaevqa tabystaldy. Aıta ketsek, bul festıvalde rejıserdiń retrospektıvasy uıymdastyrylǵan bolatyn.

Esterińizge sala ketsek, «Ózen» fılminiń álemdik tusaýkeseri Veneııa kınofestıvali sheńberinde ótken bolatyn. Bul festıvaldiń «Kókjıekter» baǵdarlamasynda Emır Baıǵazın úzdik rejısser atandy. Al fılmniń Soltústik Amırıkadaǵy tusaýkeseri ústimizdegi jyly qyrkúıek aıynda Halyqaralyq Toronto kınofestıvali aıasynda ótti. Kınotýyndy festıvaldiń «Tuǵyrnama» («Platforma») konkýrstyq baǵdarlamasynda  kórsetilip, qazylar alqasynyń qurmetti atalymyna jáne Screen Daily táýelsiz kınosynshylardyń reıtıngisi tiziminde aldyńǵy qatardan kórindi. Jyl saıyn ótetin 12-shi Asia Pacific Screen Awards saltanatynda «Ózen» fılmi «Rejıssýradaǵy tabysy úshin» syılyǵymen marapattaldy. Fılmniń azııalyq tusaýkeseri Tokıo kınofestıvaliniń konkýrstyq baǵdarlamasy aıasyndy ótti. Al Los-Andjelestegi Asian World Film Festival kınofestıvalinde «Ózen» fılmi qazylar alqasynyń júldesine – «naǵyz kıno tilimen beınelengen kóńilińdi birden baýrap alatyn fılm» júldesine ıe boldy. Odan bólek, Emır Baıǵazın

Fılmniń jaryqqa shyǵýyna birneshe memleketter atsalysty, olar: Qazaqstan (QR Mádenıet jáne sport mınıstrligi, Sh.Aımanov atyndaǵy «Qazaqfılm» AQ, Emir Baigazin Production), Norvegııa (Norsk Filmproduksjon) jáne Polsha (Madants). Bul týyndy senarıı kezinde  MPA APSA Azııa-Tynyqmuhıttyq kınoassoıaııasy grantynyń  qoldaýyna ıe boldy. 2017 jyly maýsym aıynda bul joba alǵash ret Karlovy Vary Halyqaralyq kınofestıvaliniń kınonaryǵynda tanysytyrylyp, ol jyly qyrkúıekte kınojoba Varshava halyqaralyq kınofestıvali kınonaryǵynda Pitch and Meet jobalar baıqaýynda birinshi oryndy ıelengen bolatyn. Kartınanyń post jumystary 2018 jyly jaz aıynda Polsha kınematografııa ınstıtýtynyń qarjylaı kómegimen Varshavadaǵy Orka jáne Dreamsound stýdııalarynda júrgizildi.