Máskeý qalasynda «Máskeýlik tusaýkeser» atty dostastyq elderi arasyndaǵy halyqaralyq kınofestıvaliniń jeńimpazdaryn marapattaý rásimi ótti. Festıvaldiń negizgi baıqaýyna qatysqan Emır Baıǵazınniń «Ózen» fılmi baıqaýdyń Bas júldesine qol jetkizdi. Odan bólek, osy festıvalde jumys istegen kınoklýbtardyń halyqaralyq qazylar alqasy otandyq fılmge «Úzdik tolyqmetrajdy fılm» («Maǵynasynyń tereńdigi, aýyspalylyǵy jáne poetıkasy úshin») júldesin tabystady.
Esterińizge sala ketsek, Aslan týraly trılogııanyń sońǵy bólimi – «Ózen» fılmi órkenıetten alys jerde turatyn, qaladan kelgen qonaqtan keıin ómirleri kúrt ózgere bastaǵan bes aǵaıyndy týraly baıandaıdy.
Esterińizge sala ketsek, «Ózen» fılminiń álemdik tusaýkeseri Veneııa kınofestıvali sheńberinde ótken bolatyn. Bul festıvaldiń «Kókjıekter» baǵdarlamasynda Emır Baıǵazın úzdik rejısser (Best Director) atandy. Sondaı-aq kıno taqyrybynda jazatyn álemniń beldi buqaralyq aqparat quraldary atalǵan kınotýyndy jaıynda jaqsy pikirde jarysa jazdy. Al fılmniń Soltústik Amerıkadaǵy tusaýkeseri bıyl qyrkúıek aıynda Halyqaralyq Toronto kınofestıvali aıasynda ótti. Kınotýyndy festıvaldiń «Tuǵyrnama» («Platforma») konkýrstyq baǵdarlamasynda kórsetilip, qazylar alqasynyń qurmetti atalymyna jáne Screen Daily táýelsiz kınosynshylardyń reıtıngisi tiziminde aldynǵy qatardan kórindi. Jyl saıyn ótetin XII Asia Pacific Screen Awards saltanatynda «Ózen» fılmi «Rejıssýradaǵy tabysy úshin» syılyǵyna úmitker boldy. Fılmniń azııalyq tusaýkeseri Tokıo kınofestıvaliniń konkýrstyq baǵdarlamasy aıasyndy ótti. Al Los-Andjelestegi Asian World Film Festival-de «Ózen» fılmi qazylar alqasynyń júldesine – «Naǵyz kıno tilimen beınelengen kóńilińdi birden baýrap alatyn fılm» júldesine ıe boldy. Odan bólek, Emır Baıǵazın Gollıvýdtyń shetel baspasózi qaýymdastyǵynyń grantyna («Altyn Globýs») ıe boldy.
«Ózen» fılmi Rotterdam, Getoborg, Varshava syndy iri festıvalderdiń resmı baǵdarlamalarynyń sheńberinde kórsetilgeni týraly aıta ketken jón.
Fılmniń jaryqqa shyǵýyna birneshe memleketter atsalysty, olar: Qazaqstan (QR Mádenıet jáne sport mınıstrligi, Sh.Aımanov atyndaǵy «Qazaqfılm» AQ, Emir Baigazin Production), Norvegııa (Norsk Filmproduksjon) jáne Polsha (Madants). Bul týyndy senarıı kúıinde MPA APSA Azııa-Tynyqmuhıttyq kınoassoıaııasy grantynyń qoldaýyna ıe boldy. 2017 jyly maýsym aıynda bul joba alǵash ret Karlovy Vary Halyqaralyq kınofestıvaliniń kınonaryǵynda tanystyrylyp, sol jyly qyrkúıekte kınojoba Varshava halyqaralyq kınofestıvali kınonaryǵynda Pitch and Meet jobalar baıqaýynda birinshi oryndy ıelengen bolatyn. Kartınanyń post jumystary 2018 jyly jaz aıynda Polsha kınematografııa ınstıtýtynyń qarjylaı kómegimen Varshavadaǵy Orka jáne Dreamsound stýdııalarynda júrgizildi.
Qazirgi tańdy Emır Baıǵazın «Ómir» atty jańa fılmdi túsirýdi qolǵa alǵaly otyr.
