14 jeltoqsan kúni saǵat 13:00-de saltanatty ashylý rásimi ótedi, kórme-jármeńke aıasynda Qazaqstannyń bıser óneriniń sheberleri qoǵamdastyǵynan premıým-klasty avtorlyq áshekeıler kórsetiledi.
Jańa jyl — úlkender men balalar kútetin sıqyrly mereke. Ol ertegi álemi sıqyrly, jyltyr jáne jarqyn ottarmen kózdiń jaýyn alady. Jańa jyldyq merekeler — ár jyldyń sońynda árbir úıge keletin eń izgi, ádemi ertegi ýaqyty.
Beıneleý óneri kórme-jármeńkesin ótkizý Qazaqstan men basqa shet memlekettiń sýretshileri, sheberleri men ónerdi baǵalaýshylar úshin ıgi dástúrge aınaldy. Kórme-jármeńkede jurtshylyq Qazaqstan, Reseı, Ýkraına jáne Ortalyq Azııadan kelgen dızaıner, sýretshi, shyǵarmashylyqqa qushtar ózge de ókilderdiń tartymdy buıymdarymen tanysa alady. Kórme-jármeńkege qatysýshylar ózderi jasaǵan dızaınerlik buıymdarymen kelýshilerdi tańqaldyrý úshin birneshe aı buryn daıyndyq jasaıdy. Sonymen kórme-jármeńkege áshekeı buıymdar, kıim-keshek pen kerek-jaraqtar, ıntererlik zattar, avtorlyq karamelder, toqashtar, shokolad pen pisirilgen túrli táttiler, shyrsha oıynshyqtary, qýyrshaqtar, názik jibekter, jyly avtorlyq kıizden jasalǵan zattar, farfor, áıel sómkeleri, túrli keramıkalyq zattar, eko-kosmetıka jáne t.b. qoıylady.
Rojdestvolyq kórme jańa jyldyq ónimderdiń baı assortımentimen tanysyp qana qoımaı, sonymen qatar barlyǵyna qýanysh syılap, aldaǵy jylǵa jaǵymdy áser etedi.
Qazaqstan Respýblıkasy Memlekettik ortalyq mýzeıi men «Tvorcheskıe sezony» kompanııasy Sizderdi Halyqaralyq «Christmas Art Fair-2018» kórme-jármeńkesin tamashalaýǵa shaqyrady.
Kórme-jármeńkeniń resmı ashylýy: 14 jeltoqsan, saǵat 13-00-de
Kórme-jármeńkeniń jumys ýaqyty: 14 - 18 jeltoqsan, saǵat 9.00-19.00-ge deıin
Anyqtama telefondary: QR MOM 264-46 -50, 264-55-66, 264-55-77
Uıymdastyrýshy telefony: «Tvorcheskıe sezony kompanııasy 8-701-714-09-51 (52)
