2019 jyldyń 29-30 qarasha – 1 jeltoqsan kúnderi Qazaqstan Respýblıkasynyń Tuńǵysh Prezıdenti Kúnin merekeleý aıasynda QR Memlekettik ortalyq mýzeıi «Baqyt» sándik-qoldanbaly óner ortalyǵymen birlesip «Shyǵys bazary» dástúrli Ortalyq Azııa qolóner kórme-jármeńkesin ótkizedi. Jármeńkege Qazaqstan, Qyrǵyzstan, Tájikstan, Túrkimenstan, Ózbekstan jáne Reseıden kelgen sheberlerdiń syılyq jáne kádesyı ónimderiniń keń spektri usynylady.
Qoldanbaly óner buıymdary – materıalmen jumys isteýdiń jańa tásilderi, formalardyń, ıdeıalardyń, oljalardyń, stılderdiń alýan túrliligi. Búginde árbir úıde halyq sheberleriniń shyǵarmalary bar. Olar bizdiń ómirimizge estetıkalyq sezimge jaýap beretin kórkem týyndylar retinde kiredi, aýyldyq jáne qalalyq turǵyn úılerdiń áshekeıine aınalady.
Jańa jyldyq mereke qarsańynda kelýshilerdiń nazaryna kıim, zergerlik buıymdar, mýzykalyq aspaptar, shyǵys mınıatıýrasy, kıiz jáne jibek buıymdary, toqyma jáne toqylǵan zattar, kilemder men shamdar, tumar jáne bylǵary buıymdar usynylady.
«Shyǵys bazary» kórme-jármeńke sheńberinde QR Tuńǵysh Prezıdentiniń «Uly dalanyń jeti qyry» atty maqalasynyń aıasynda kórkem mektepter, kolledjder men joǵary oqý oryndary arasynda «Ulttyq taqyrypqa natıýrmort» atty halyqaralyq kórkem shyǵarmalar baıqaýy ótedi, sondaı-aq mýzeıge kelýshiler úshin kórkem sýret salý boıynsha sheberlik-sabaqtar uıymdastyrylady.
- Kórme-jármeńkeniń resmı ashylýy – 2019 jyldyń 29 qarashasy kúni saǵat 12.00-de.
- Kórme-jármeńkeniń jumys ýaqyty: 29-30 qarasha – 1 jeltoqsan, 9.00-den 18.00-ge deıin.
