Máńgilik mahabbat dastany, álemdik klassıkanyń jaýhar jaquttarynyń biri «Romeo men Djýletta» tragedııasy kezekti ret qazaq sahnasyna shyǵady. Álemniń myńdaǵan teatrlarynyń repertýarynan oryn alǵan shyǵarma qańtar aıynyń 24-25-shi juldyzynda Memlekettik Qýyrshaq teatrynda premerasy ótedi. Spektakl rejısseri – D. Jumabaeva. Bul rejısserdiń ujymmen ekinshi ret jasalyp otyrǵan jumysy. Alǵashqy qoıylym Sh.Aıtmatovtyń «Ana-Jer Ana» povesti boıynsha sahnalanyp, kórermender ǵana emes kásibı mamandardyń da kóńilinen shyqqan bolatyn. Sol spektaklmen ujym Qyrǵyzstan memleketindegi «Aıtmatov jáne teatr» Halyqaralyq festıvalinde arnaıy júldege ıe boldy.
Elimizdiń birneshe teatr ujymdarymen jumys jasap, zamanaýı teatr úrdisinde óz qoltańbasyn qalyptastaryp kele jatqan Dına Jumabaeva rejıssýrasy bul joly nesimen erekshelenbek? Qoıylym jaıynda sóz qozǵamas buryn, álem ádebıeti men teatr óneriniń ozyq úlgisi sanalatyn týyndynyń sahnalanýy jaıynda az-kem sholý jasasaq.
Shekspır shyǵarmashylyǵyndaǵy tańdamaly týyndylardyń biri sanalatyn «Romeo men Djýletta» - balet, mıýzıkl, opera janrlarynda da óz formasyn taýyp, teatr repertýarlarynan óz ornyn alyp keledi. Degenmen, áıgili tragedııa qýyrshaq teatry sahnasynda alǵash ret emes. Álemdik tájirbıede Ekaterınbýrg Qýyrshaq teatrynyń kishi sahnasynda belorýs rejısseri Oleg Jıýgjda qoıǵan spektakldiń kórkemdik deńgeıine kásibı mamandar joǵary baǵa berdi. Latvııa Qýyrshaq teatrynyń repertýarynan da oryn alǵan «Romeo men Djýletta» spektakli «Jasóspirimderge arnalǵan jyldyń úzdik qoıylymy» nomınaııasyn jeńip alǵan. Rejısser Davıd Djovanzan arnaıy shaqyrtýmen kelip sahnalaǵan spektakl búgingi qoǵam máselelerin negizge ala otyryp, jalpyadamzattyń túsinisý teorııasynyń qıyndyǵyn kórsetedi. Munda jaǵymdy nemese jaǵymsyz keıipkerler joq, tıisinshe qoǵamdaǵy qaıshylyqtar máselesi alǵa tartylady. Sahnada sýret jáne kompozıııalyq sheshimderdi qoldanyp, qýyrshaqtarmen magııalyq keńistik ornata bilgen. «Vaıdshpaıher» nemis qýyrshaq teatry da (Germanııa) atalmysh tragedııanyń ózge bir qyrynan kórýge qadam jasaǵan. Qoıylymda Djýlettany tús kórýi arqyly tragedııanyń barlyq oqıǵasyna qatysýshy ári baqylaýshy retinde kórsetip, qýyrshaq beıneler arqyly oqıǵalarǵa degen kózqarasyn bildiredi. Osy qoıylymmen teatr Slovenııa elinde ótken «LUTKE 2008» Halyqaralyq qýyrshaq teatrlary festıvalinde «Anımaııa ı kreatıvnost» júldesin ıelenedi.
Iá, siz, taǵdyr erkeletip turyp tezine salǵan, ǵashyq ete turyp tálkekke ıtergen qos ǵashyq Romeo men Djýlettany qazaq Qýyrshaq teatry sahnasynda kórýge daıynsyz ba?! Eki áýlettiń bitispes keginen týyndaǵan san-túrli oqıǵalar qýyrshaqtar tilinde qalaı sóılemek? Sýretshi Iý.Chernova, baletmeıster A.oı, rejısser D.Jumabaevanyń birlesip jasaǵan qýyrshaq teatryndaǵy ujymdyq eńbegin kórýge asyǵyńyzdar.
Elimizdegi Qýyrshaq teatrlary arasynda alǵash ret álemdik klassıkany sahnalaýǵa qadam jasaǵan ujymnyń eńbegi Qazaq teatr tarıhynda óz ornyn ala ma?! Kópshilikti qyzyqtyrǵan qoıylymnyń alǵashqy kórermenderiniń biri bolyńyz.