Óner ujymy atalmysh festıvalge Sh.Aıtmatovtyń «ANA–JER ANA» qoıylymymen qatysady. Spektakldiń rejısseri – D.Jumabaeva, hýdojnık – Iý.Chernova.
«ANA–JER ANA» - zańǵar jazýshy Sh.Aıtmatovtyń «Qus joly» povestiniń jelisi boıynsha sahnalanǵan, tutas halyqtyń qııan-keski soǵys ýaqytynda shekken zardabyn, jetimdik pen jesirliktiń aýyrlyǵyn sezindiretin týyndy. Spektakl júrektilik pen batyldyqty qatar ustap elin qorǵaýǵa ketken azamattardy zaryǵa ańsaý, tyl eńbeginiń jaı-kúıin esh boıamasyz kórermenniń kóz aldynda órbitip, bir otbasynyń ómirin tutastaı kórsetedi. Rejısserlik túıin, sımvolızm, akterlik sheberlik, mýzyka bir úndestikte úılesken qoıylym tek bir ulttyń taǵdyryn ǵana emes, dúnıejúzilik soǵys qarsańynda azapty kún keshken halyqtardyń ortaq qasiretin arqaý etýi kórermendi beı-jaı qaldyrmaıtyny haq.
Atalmysh qoıylym 2 naýryz kúni, saǵat 15:00-de N.Orlov atyndaǵy akademııalyq drama teatrynyń sahnasynda festıval qatysýshylary men qonaqtarynyń, sarapshylardyń nazaryna usynylady.
Sonymen qatar, óner ujymy Reseı Federaııasy Sankt-Peterbýrg qalasynda maýsym aıynyń 23 juldyzy men 26 shilde aralyǵynda ótetin «KÝKART» Halyqaralyq teatr festıvaline shaqyrtý alyp, baq synaıtynyn habarlaımyz. Atalmysh festıvalge teatr repertýaryndaǵy «ANA JÚREGI» (avt.: E.Ionov, rej.: A.Zaıev) dramalyq qoıylymymen qatysady.
«ANA JÚREGI» - birneshe respýblıkalyq, halyqaralyq teatr festıvalderinen júldelermen oralyp júrgen zamanaýı teatr stılıstıkasynda sahnalanǵan týyndynyń biri. Kórkemdik ıdeıasy anaǵa qurmet kórsetý, qadirleý bolyp tabylatyn qoıylymnyń rejısserlik sheshimi kórermenderdi beı-jaı qaldyrmasy anyq. Kásibı teatr mamandary elimizdiń qýyrshaq mádenıetin álemge nasıhattaıtyn týyndy dep baǵalaǵan qoıylym festıvalde bıik tuǵyrdan kórinedi degen senimdemiz.
Teatr festıvaliniń basty maqsaty – qýyrshaq teatry óneriniń álemdik keńistikte damý jolyn saqtaı otyryp, ár eldiń repertýar saıasatymen keńinen tanysý, óner oshaqtarynyń shyǵarmashylyq tynysyn baǵamdaý.
Aqmaral NURLANQYZY,
BAQ jónindegi menedjer
+7 705 211 00 45
+7 (727) 234 7921